HLAZY 38:2 - Mara Bible RV (BSI)

² Na châtaizy kei liata a chaloh ta, Na ku ta eina nâ chi.

HLAZY 38:2 Cross References

ZAWBÂ 6:4

Atotaotheipa châtaizy ei pôhpa liata y ta, Ei thlahpa ta ama châmaih doh ta, Khazohpa chichhihna ta eina siehnao.

HLAZY 21:12

Libaw a keipa ta ama hmia mopâ aw chi ta, Nâma tawhta na parâpaisa aw ei.

HLAZY 32:4

Chhô nah zâ ta na ku ta na vi ta, Châhvâ nokâh ta ti a pakuapa hawhta, Ei thatlôna a kua haw. Selah

HLAZY 6:2

Hy Abeipa, zawh nâ ngiah ma y, Ei panao ha hih; Hy Abeipa, na patlâh mah y, Ei ruzy a pasa ngaita.

HLAZY 64:7

Châhrasala Khazohpa ta âmo cha châtai ta ka ta, Eikhapi ta hmahphaopa ta ama y.

CHAPHÔHTUNA 3:12

A libaw a kei ta, A châtai anuana châta eina tawh.

RYHPACHANEINA 2:15

Riehmo tawhta a pahleipadia khai hlâlei ei cha, Abeipa ku ta âmo cha â dyuh lymâ ei.

RUTHI 1:13

ama pitlohna taihta nama hâ thei aw ma? Dyhchâ leipa ta ma âmo châta namâ kuh thlâh ha aw? Châ bao va, ei sawchanôzy saih u, nâmo vâna heta ei pachâ a rôh ngaita. Abeipa ta ei chô liata ku a pathla ha hih,” tah ta.

1 SAMUELA 5:11

Chavâta chyhsa tuah ei ta, Philistinâ bei zydua awpakhy ei ta, ama hnohta, “Izarei Khazohpa Byh he pasiesa syulyu ha teh u. Keimo nata eima phopi he miah a thie khao lei nawpa ta, a yna su dopa lâ kua heih mawh sy,” tah ei ta. Khihpi chhôh zydua liata chhiena rarôh ypa tlô ta, Khazohpa ta khihpi chô liata ku a pathlapa cha a hri ngaita ta.

1 SAMUELA 5:6

Abeipa ku ta Asadô chyh­sazy cha vi ta, âmo cha pahleipadia ta, Asadô nata a chheipâh khihzy cha kheihluh ta hrie ta.

1 SAMUELA 6:9

Moh thlâh ha aw ei chi ta, ano yna su Beseme râh lâ khyna lâpi a chhihpa ta a sie khiahta cha, eima chô liata pasana rarôh y ngaitapa a patlôsapa he ano tlai châ ta, cha lâta a sie vei khiahta deikua cha, ano ku ta miah a hriepa châ leipa ta, hri chareina daihti nata Byh yna daihti â su chhopa vâta a châ tahpa eima pahno aw,” tah ei ta.