HLAZY 37:7 - Mara Bible RV (BSI)

⁷ Abeipa hmiakô liata a chalih la, Ano cha hâ hualua mah y. Moleipa a dyhpha tita na pachâ chhie leipa sala, Chhiena a patlôsatuhpa chyhsa vâta na pachâ chhie hra khah sy!

HLAZY 37:7 Cross References

ESTHERI 3:15

Biepiepa cha thokhy khihpi Susâ liata papuapa châ ta, bei biepiepa hawhta châraituhpazy ta a chatliepa ta sie ei ta. Abei nata Hâmâ cha sahma do awpa ta a tyuh ei ta. Cha nota Susâ khihpi deikua cha thata â tymâ.

ZAWBÂ 35:14

Cha hawhta a châ nota, Khazohpa na hmô leipa hawhta reih chi ta, Bie pachia awpa cha a hmiakô liata y ta, Na hâ thlâh hapa hawhta na reipa chhochhi cha, A cha nathlie nâ pangiasa ma?

HLAZY 27:14

Abeipa cha hâ la, Thatlôpa ta y mah y! Abeipa cha hâ la, Riahphapa ta y mah y!

HLAZY 40:1

Abeipa cha hâ hualua na ta, Kei lâta a nah pachôh ta ei awna a thei.

HLAZY 50:8

Atheihna na hlâpazy vâta cha ra leipa na ta, Raopa hlânazy ei hmiakô liata khâ na hlâ tyhpa vâta cha ra hra va na.

HLAZY 62:1

Ei hro he Khazohpa lia dei ta apahâna hmô ta, Ano tawhta ei pachhana a vaw tlô.

HLAZY 62:5

Ei hro ta Khazohpa deita hâ ta, Ano tawhta ei hnabeiseihna a vaw tlô.

BIESOZY 20:22

“Moleina cha viari ei thô aw,” tah khah y, Abeipa hâ la ano ta a cha pachha aw.

BIECHHOTUHPA 5:8

Dyhchhiepazy tlybaipa ta ama ypa nata adona nata siana zy thachahra hmâpa ta pahleipa a châzie zy bia liata na hmô khiahta cha, cha kyh liata na noâh khah sy. Hyutuh laipa cha ano hlâta a sâh viapa ta mohpathli ta, âmo pano chô lâta chhao hyutuhpa a sâh viapazy ama y heih.

ISAI 30:15

Abeipa Zehôvâh, Izarei Mo Pathaihpa ta hetana heta a tah: “Rona nata apahâna liata nama pachhana y ta, A thlih thlâh hana nata ngâna liata nama thatlôna a y.” Châhrasala khoh leipa ei chi ta,

ISAI 8:17

Chavâta Zakaw pathlazy tawhta a hmia a nyu hapa Abeipa cha hâ aw na ta, ei mokhâh aw.

ZEREMIAH 12:1

Hy Abeipa, ei cha paphôh thlupa chhao ta, Nâ la a do pyly chi ta, Chatahrasala ei cha nôuna bie ei cha vaw tlôkhei aw. Kheihtazieta ma hmoparaopazy lâpi patlâ ta, Haiphiahpazy ama hlao a tloh thlâh ha tly?

DÂNIAH 11:36

“Chatawhcha abei cha a khopa hawhta tao aw ta, anosasyh ta a pasâhsapa ta, khazoh to hlâta rônah viapa ta a tao aw ta, khazohzy Khazohpa a dyuhpa ta hmo anano ngaitapazy reih aw ta, hiehâhna daihti pakipa a châ hlâlei cha hmotaotheina a hnei aw, rao chiehpa hmo cha a tlô tlai awpa a châpa vâta.

ZAWNA 1:11

Chatawhcha a hnohta, “Eima châta tilaipi â chalih thei nawpa ta, kheihta ma eima cha tao aw?” tah ei ta. Tilaipi cha a chatlao via ngâ kaw ta.

HABAKU 2:3

Aluahna cha a daihti raopa hâ chy ta, Chhâna kyh reih ta, Rei chhei aw vei. Vaw tlô mâh vei hra sala, Hâ hualua mah y; A vaw tlô thlyu aw, Hawh aw vei.

KALATIA 6:9

Hmo pha tao ai khah ei suh u. Eima diathlâ leipa khiahta la, a daihtita liata a thei eima hria aw.

ZAWSUA 10:12

Abeipa ta Izarei sawzy ku liata Amawri mo a pie noh ta, Zawsua ta Abeipa bie a chho ta, Izarei sawzy mohmô liata, “Noh y, Kibiô chô liata a duah la, Thlâpâ y, Aizalô saikao chô liata a duah mah y,” tah ta.