HLAZY 37:12 - Mara Bible RV (BSI)

¹² Moleipa ta mosiapa tei ta, A hâh a charieh chie tyh;

HLAZY 37:12 Cross References

ÂTHAONA 39:16

A zibeipa â vaw di hlâlei cha, Zawsi viahkao pasipa cha ano kiapâh liata soh ta.

ESTHERI 3:5

Môdekai ta a hmiakô liata â bôh leipa nata â naoh leipa Hâmâ ta a hmô nahta, Hâmâ cha hiehâhna ta bie ta.

ESTHERI 3:6

Châhrasala Môdekai chô lia dei ta kupathla awpa cha â daih tah leipa ta. Môdekai cha kheihawhpa phopi ma a châ tahpa ama chho hapa vâta, Ahasuarâ khinarâh liata a ypa Môdekai phopi Zu chyhsa zydua pahleipadia khai awpa a chhuah ta.

ESTHERI 5:13

Châhrasala abei tlyhmia liata Zu chyhsa Môdekai â tyupa ei hmô chhôh zydua ta la, cha zydua cha ei châta khâpa hmah phahnai vei,” tah ta.

HLAZY 31:13

Chyhsa hluhpi bieparu thei na ta, Su to chichhihna ta a bie; A paraohpa ta na tei ei ta, Ei hrona la amâ chhuah.

HLAZY 34:22

Abeipa ta ano a chakaotuhpazy hrona cha chatlai tyh ta, Ano a chhaituhpazy cha ahy hmah thailei pachâsapa châ aw veih ei.

HLAZY 35:16

Kyhchhi nota chyhsa a pachhie tyhpazy hawhta, Ama hâhzy eina charieh chie ei.

HLAZY 37:32

Moleipa ta mosiapa mohparu ta, Thie â chhuah tyh.

DÂNIAH 8:12

Mopathaihpa sahlao nata raopa hlâna khâ hlâ tyhpazy cha, paraona a ypa vâta ano hnohta piepa châ ta, biedopa alei lâ za pazaw ta, a hmotaopa maih liata a hlao a tloh lymâ.

DÂNIAH 8:24

A thatlô ngaita aw ta, châhrasala ano thatlôna vâta châ aw vei. Raona chichhihpa patlôsa aw ta, a hmotaopa maih liata a hlao a tloh aw. Chyhsa thatlôpazy nata chyhsa pathaihpazy a pahleipadia aw.

MIKÂ 2:1

Hmo pha leipa patuapaluapa ta, Ama rakhô liata moleina a pachâpadypazy cha, Ama hu a po na! Ama ku liata a ypa biehneina a châpa vâta, My khih a vaw dei nahta ama hriapazi tyh.

MATHAI 26:16

Cha noh tawhta, Zudâh Iskari cha Zisu patusa nawpa rypaohna tlua ta.

MATHAI 26:4

Zisu cha dôveipa ta patu ta, ama thie thei nawpa ta a pachia ei ta.

1 SAMUELA 18:21

Sawla ta, “Mikâli he Dâvi pie aw na ta, ano châta a aona khoheih châ aw ta, cha cha Philistinâ mo ta a chô liata ku ama pathla theina a châ aw,” tahpa ta pachâ ta. Chavâta Sawla ta Dâvi hnohta, “Tanoh he ei piahpa châ nawpa ryhpaohna na hnei chanei heih,” tah ta.