HLAZY 36:3 - Mara Bible RV (BSI)

³ A pakah biezy cha haipa nata dôveina bie sai châ ta, So kawpa nata a phapa ta hmotaopa a bâsai haw.

HLAZY 36:3 Cross References

2 SAMUELA 22:22

Abeipa lâpizy a chhih na ta, Ei Khazohpa a heihsaipa ta moleina hmo tao beih va na.

2 THÂTIHZYRONA 20:32

A paw Âsâ lâpi a chhihpa zydua a chhih hra ta. Lâpi tleisai cheita leipa ta, Abeipa mohmô liata hmo dopa tao ta.

HLAZY 10:7

A pakah cha chhiesana, dôveina nata tlybaina zy ta bie ta, A paleih ry cha chhoruna nata paraona zy ta a bie.

HLAZY 125:5

Lâpi akopazy lâta a tleipazy deikua cha, Abeipa ta hmoparaopazy hnohta a papua aw ei! Izarei chô liata thlalôhna y mawh sy!

HLAZY 140:3

Ama palei parih paleih hawhta patiahsa ei ta, Ama hmao ry liata vâzi châmaih a y. Selah

HLAZY 5:9

Ama pakah liata ngâchhihna y leipa ta, Ama palôh cha paraona ta a bie. Ama rao cha thlâ a pahypa châ ta, Ama paleih ta hmiahmô ama châ tyh.

HLAZY 55:21

A pakah cha sâhpiti kuapa hawhta pahnia ta, A palôh lia deikua adyuhna ta a bie. A biezy sathaw hlâta nai via ta, Châhrasala zaozi phia hapa a châ.

HLAZY 58:3

Moleipazy cha chhi tawhta nomâpa châ ei ta, Ama pipa nahta lâpi paviapa ta, Haipa biezy ama reih lymâ.

HLAZY 94:8

Hy phopi nomaoh chaipa, na novâh bâ mawh sy! Hy ahrupazy saih u, khatita ma nama so aw?

BIESOZY 4:16

Hmo ama parao ha tua leipa ta cha, A mô thei leipa ei ta; Chyhsa ama chapiasa ha tua leipa ta cha, Ama mo ku thei vei.

ZEREMIAH 4:22

“Ei phopi cha hru ha ei ta, Na pahno veih ei; Saw nokhih leipazy châ ei ta, Novâhna hnei veih ei. Hmo pha leipa taona liata so kaw ei ta, Hmo phapa taonazie deikua pahno veih ei,” Abeipa ta a tah.

HÔSIA 8:3

Izarei cha phana a dytha hapa vâta, Chariahpa ta â chadai aw.

ZEPHANIA 1:6

Abeipa pazi ha tlôh ta a kuasai heihpazy Chhawh pathlah aw ei na ta, Abeipa tlua leipa ta, ano a saohiah leipa maih cha, He su tawhta ei chhawh pathlah khai aw ei,” Abeipa ta a tah.

MATHAI 22:35

Ama hry liata dâhthaipa pakha ta ano pasia nawpa ta bie miakha hiahri ta.

LUKA 11:25

A tlô nahta, o cha phi chiehpa nata paryh khaipa ta hmô ta.

HEBRAI 10:39

Châhrasala keimo la, leidia awpa ta hnôh a sypa sahlao liatapa châ ma pi. Ngiapâna ta hro a pabohsa awpazy tlao eima châ.

1 ZAWHÂNA 2:19

Âmo cha eima hry tawhta pua ei ta, châhrasala eima chyhsa hmeiseihpa châ veih ei. Eima chyhsa hmeiseihpa châ ei sala, eima hnohta ama y lymâ aw. Châhrasala ama zydua ta eima chyhsa hmeiseihpa châ veih ei tahpa a lâ pasia nawpa ta, miah ama puasai haw.

1 SAMUELA 15:26

Samuela ta Sawla hnohta, “Châ liekhei aw va na. Abeipa bie na khoh leipa vâta, Abeipa ta nâ chhao Izarei chô liata bei châta cha khoh khao hra vei,” tah ta.

1 SAMUELA 16:14

Abeipa Thlahpa ta Sawla cha puasai ha ta, Abeipa tuapa ahripa ta ano cha patypamâ ta.

1 SAMUELA 18:21

Sawla ta, “Mikâli he Dâvi pie aw na ta, ano châta a aona khoheih châ aw ta, cha cha Philistinâ mo ta a chô liata ku ama pathla theina a châ aw,” tahpa ta pachâ ta. Chavâta Sawla ta Dâvi hnohta, “Tanoh he ei piahpa châ nawpa ryhpaohna na hnei chanei heih,” tah ta.

1 SAMUELA 26:21

Sawla ta, “Ei vaw molei ha na. Vaw kua ha mah y, ei sawchapawpa Davi. Ei hrona he na mohmô liata tanoh sôh ngaita ta, chavâta kheihta hmahta cha tah khao aw va na. Moh teh, hru kawpa ta hmo vaw tao na ta, ei vaw tao chhei ngaita,” tah ta.