HLAZY 34:7 - Mara Bible RV (BSI)

⁷ Abeipa a chituhpazy cha, A vâlyuhchâpazy ta chadô ei ta; Ama kiapâh liata riehmo paryh ei ta, Âmo cha ama pachha tyh.

HLAZY 34:7 Cross References

2 ABEIZY 19:35

Cha zâ ta Abeipa vâlyuhchâpa cha pua ta, Asuria mo riehmo liata pheisaih 185,000 thie ta. Asuria pheisaihzy cha mydi kari ta ama thyu nahta, riehmo cha athihpa ri ta a biepa hmô ei ta.

2 ABEIZY 6:17

Chatawhcha Elaisâh cha thlahchhâ ta, “Hy Abeipa y, a hmô thei nawpa ta a mo pavâsa mah y,” tah ta. Abeipa ta chakaotuhpa mo cha pavâsa ta. Tlâh cha mei talailihzy nata arâzy ta biepa ta, Elaisâh ama chadôpa hmô ta.

HLAZY 138:3

Ei cha pado noh ta, Nâ chhy chi ta, Ei hro tha na patlô tyh.

HLAZY 139:5

Ei hmia ei hnoh ta na chadô chi ta, Ei chô liata na ku na pahnieh.

HLAZY 50:15

Nôpona noh liata na pado la, Cha pachha aw na ta, Chatanachata eina parôhnasa aw chi,” Abeipa ta a tah.

HLAZY 91:11

Na siena lia maihta châ vaih awpa ta, Nâma kyh liata a vâlyuhchâpazy bie a pie aw ei.

PUASAINA 22:22

Nôhmei nata hârazy ama rie nama pathei awpa châ vei.

PUASAINA 22:26

“Na vaih poh sôhkâ ta na lapa khiahta cha, noh tla hlâta na pie heih awpa a châ.

DÂNIAH 6:22

Ei Khazohpa ta a vâlyuhchâpa za tuah ta, chakeibarôhneipazy pakah pabieh ta, na pasasa veih ei, seina hnei leipa ta a hmiakô liata a ypa ei châpa vâta. Nâma hmiakô liata chhao, Hy abei y, khâpa hmah parao va na,” tah ta.

ZEKARIA 9:8

Hrâsiepazy tawhta vaih awpa ta, Ei o liata riehmo ei paryh aw; Chatanachata ama siena lâta tlyma, Amâ liena lâta tlyma, A siehnaopa y khao aw veih ei. Tahmâ cha keima mo tlai ta ei vaih ha awpa vâta, Tlybaituhpa ta sie thlu khao aw vei.

MATHAI 18:10

“He hawtitazy hry liata pakha chhao mopakhô lei awpa ta a sohsi teh u. Vârâh liata ama vâlyuhchâpazy ta ei Paw vârâh liata a ypa hmia khâ ama sai tyh tahpa ei cha chho ei.

LUKA 16:22

Sipasapa cha thi ta, vâlyuhchâpazy ta a chhi ei ta, Abarahâ kalachhôh tlôkhei ei ta. Chyhsa hneirôhpa chhao cha thi ta, pabupa châ ta.

HEBRAI 1:14

Vâlyuhchâpa zydua cha pachhana ryu a to awpazy chakao awpa ta tuapa chakaona thlahpazy ama châ.