HLAZY 34:18 - Mara Bible RV (BSI)

¹⁸ Abeipa cha palôh keichheihpazy a hnia ta, Thlahpa a ngiapachhipazy a pachha tyh.

HLAZY 34:18 Cross References

2 ABEIZY 20:5

“Kua la, ei phopi hyutuhpa Hezekia hnohta, Abeipa, châ pathlatuhpa Dâvi Khazohpa ta hetana heta a tah: ‘Na thlahchhâna thei na ta, na mothlihzy ei hmô haw. Nathlie teh, cha patlâh aw na ta, noh thôhna noh ta Abeipa o lâ na khy aw.

2 ABEIZY 22:19

he su nata a chhôh liata a pahrâpazy kyh liata, roryhrapa nata chhiesapa ta ama y aw tahpa kyh ei reipa na thei nahta, na palôh naipa ta Abeipa hmiakô liata a panawh chi ta, na chysiazy hriepa ta, ei hmiakô liata na chapa vâta, kei chhao ta ei cha thei, Abeipa ta a tah.

HLAZY 119:151

Nâ deikua cha Hy Abeipa, Lâhnia liata y chi ta, Na biepiepa zydua chhao adopa a châ.

HLAZY 145:18

Abeipa cha a padotuhpa zydua a hnia ta, Hmeiseihpa ta a padotuhpa zydua a hniapa a châ.

HLAZY 145:19

Ano a chituhpazy khopa hlao patloh tyh ta, Ama awna ao thei ta a pachha tyh ei.

HLAZY 147:3

Palôh keichheihpazy patlâh ta, Ama hmahzy a chahrypa ei.

HLAZY 18:7

Alei he a chathopa ta a chalyu ta, A hie a hâhpa vâta, Tlâhpizy abôna chhao a chachhao ta â sih.

HLAZY 51:17

Khazohpa khopa atheihnazy cha palôh keichheihpa châ ta, Hy Khazohpa, palôh keichheihpa nata ropa cha dytha aw va chi.

HLAZY 75:1

Hy Khazohpa, alyna bie eima cha hlâ; Na moh â hniapa vâta alyna bie cha hlâ pi ta, Na hmonoâh taopa kyhzy eima phuah.

HLAZY 85:9

Eima râh liata rônahna a pahrâ thei nawpa ta, A pachhana ta ano a chituhpazy â vaw hnia.

ISAI 55:6

“Hmô thei awpa ta a y nota Abeipa cha tlua u la, Â hnia nona heta aw teh u!

ISAI 57:15

Moh chônôpa nata cheihchalopa ta hetana heta tah ta, Tlyzaw ta a ypa, a moh Pathaihpa bipa ta hetana heta a tah: “Areisipazy thlahpa pahra ta, Angiapachhipazy palôh pahra awpa ta, Kei he su sâhpa nata su pathaihpa liata pahrâ na ta, Angiapachhipa nata areisipazy hnohta ei pahrâ.

ISAI 61:1

Dyhchhiepazy hnohta thâtihpha chho awpa ta, Abeipa ta sathaw eina thupa vâta, Abeipa Zehôvâh Thlahpa cha ei chô liata a y. Palôh keichheihpazy patlâh awpa ta na tuah ta, Seizy hnohta puana bie phuah awpa ta eina tuah. Mochaopazy mopavâna bie phuah awpa ta na tuah ta, Atâhpazy puana bie phuah awpa ta eina tuah.

ISAI 66:2

He hmo zydua he keima ku ta tao ta, Chatanachata he hmo zydua he a vaw ypa a châ,” Abeipa ta a tah. “A panawhpa ta a palôh liata a ngiapachhi ta, Ei bie liata a chalyupa chyhsa lâta ei mo ei padeih aw,” Abeipa ta a tah.

EZEKIA 36:26

Palôh thiehpa cha pie aw ei na ta, nama chhôh liata thlahpa thiehpa ei soh aw. Nama pôhpa tawhta palôh châkarupa la aw na ta, palôh naipa ei cha pie aw ei.

EZEKIA 36:31

Nama hrozie moleipazy nata nama hmotao pha leipazy a kaw thei aw ei chi ta, nama paraona nata pasichhihnazy vâta nâmosasyh ta namâ pasi kaw aw.

LUKA 4:18

“Abeipa Thlahpa cha ei chô liata y ta, Dyhchhiepazy hnohta thâtihpha chho awpa ta sathaw eina thu. Atâhpazy hnohta puana bie chho ta, Mochaopazy mopavâsa awpa ta na tuah ta, Tlybaipazy khotalaina pie ta,