HLAZY 34:13 - Mara Bible RV (BSI)

¹³ Moleina tawhta na paleih vaih la, Haipa bie reipa tawhta na hmao vaih mah y.

HLAZY 34:13 Cross References

ZAWBÂ 15:13

Na thlahpa ta Khazohpa chakhia chi ta, Cha hawhpa bie cha na pakah tawhta a pua tly?

HLAZY 141:3

Hy Abeipa, ei pakah vaituhpa soh la, Ei hmao ochhi he vaih mah y!

HLAZY 39:1

“Ei paleih ta hmo a parao lei nawpa ta, Ei yziezy a phapa ta vaih aw na ta; Moleipazy ei mohmô liata ama y chhôh zydua cha, Ei pakah he hmao hina ta ei hi aw,” tah na ta.

HLAZY 55:11

Khihpi chhôh cha paraona ta bie ta, Tlybaina nata dôveina zy ta a lâlaizy puasai beih vei.

BIESOZY 12:19

Biedopa hmao cha chhâzaw a daih ta, Haipa paleih deikua cha buakha dei â daih.

BIESOZY 12:22

Paleih haihthaipa cha Abeipa châta pasichhihpa châ ta, Âdopa ta a taotuhpazy deikua cha â ly ei.

BIESOZY 12:7

Moleipazy cha thypa châ ei ta, y khao veih ei; Mosiapa pathlazy deikua cha amâ duah lymâ aw.

BIESOZY 13:3

A pakah a sohsi theipa cha a hro pabohsa ta, A hmao a kawhpa deikua cha a hro a rao tyh.

BIESOZY 18:21

Paleih hmotaotheina liata thina nata hrona y ta, A pasôtuhpazy ta a theizy ama nie aw.

BIESOZY 19:9

Pahnokheituh pakheipa cha hrie leipa ta y leipa aw ta, Haipa bie a reihpa cha a leidia aw.

BIESOZY 21:23

A pakah paleih a vaihpa cha, Nôpona tawhta a hro a vaihpa a châ.

ISAI 63:8

Abeipa ta Izarei kyh liata, “Izarei cha ei phopi châ tlai ei ta, Adoleipa ta hmo a tao lei awpa sawzy ama châ,” tah ta, Âmo Pachhatuhpa ta a y hapa a châ.

AMÔSÂ 5:14

Nama hro thei nawpa ta, Chhiena tlua leipa u la, Phana tlua teh u; Chatanachata nama reipa hawhta, Zehôvâh, Pheisaihzy Khazohpa ta a cha ypâ aw ei.

KAOLAOSÂ 3:9

Nama chyhsa parohpa cha a hmotaopazy chhaota nama pahluh hapa vâta, haipa bie a chho raihrie khao khuh vy.

ZÂMIE 1:19

Unawh kho ngaitapa saih u, he he pahno teh u. Chyhsa to ta bie rei a chhu leipa ta, nathlie tlao a chhu ei sala, hiehâh rupa châ mawh ei sy.

ZÂMIE 1:26

Ahy rai zyhna pachâ kawpa hawhta â pachâ ta, a paleih a vaih tlôh leipa cha, anosasyh ta â dôveipa châ ta, cha hawhpa zyhna cha phahnaina hnei leipa zyhna a châ.

ZÂMIE 3:2

Eima zydua ta kyh hluhpi liata eimâ chapia tyh. Chyhsa ta a biereipa liata â chapia beih vei khiahta cha, cha chyhsa cha chyhsa pakipa châ ta, a pôhpa zydua chhao a vaih theipa a châ.

1 PITY 2:1

Chavâta ahaona, haidihaiduana, phapakheina, hiatliana nata reipachhiena zydua bâhsai teh u.

1 PITY 2:22

Ano cha hmo a parao beih leipa, a pakah liata haidihaiduana a y leipa a châ.