HLAZY 33:14 - Mara Bible RV (BSI)

¹⁴ Alei liata a pahrâpa zydua he, A pahrâna su tawhta za moh ta;

HLAZY 33:14 Cross References

1 ABEIZY 8:27

“Châhrasala Khazohpa cha alei chô liata a pahrâ tlai aw ma? Pachâ tua, avâ nata avâ a sâh chaipa liata hmah nâ tlôh leipa châ ta, he o ei sapa liata chhochhi cha nâ tlôh lei pachai aw dia!

1 ABEIZY 8:30

Châ chakaotuhpa nata na phopi Izarei sawzy ta he su lâ a heihpa ta thlah ama chhâ tita, ama hianazy vaw nathlie tyh mah y. Na pahrâna su vârâh tawhta vaw nathlie la, na thei tita, a ngiahthai tyh mah y.

1 ABEIZY 8:39

na pahrâna su vârâh liata vaw nathlie la, a ngiahthai mah y. Ama palôh na pahnopa nata ama hrozie lymâ hawhta, chyhsa to chô liata hria la tao mah y. Nâma, nâma deita he Âdâh pathla zydua palôh a pahnotuhpa châ tlôh chi ta.

1 ABEIZY 8:43

na pahrâna su vârâh liata vaw nathlie la, chihropa ta a cha hiapa cha taopa mah y. Chatanachata khizaw phopi zydua ta na moh pahno aw ei ta, Izarei sawzy ta eima cha chipa hawhta, âmo chhao ta cha chi aw ei ta, o ei sapa he na moh a phaohpa a châ tahpa ama pahno aw.

2 THÂTIHZYRONA 16:9

Abeipa mo cha, ano lâta palôh tlokhuh a paheihpazy thatlôpa ta bao awpa ta, khizaw zydua a tawpâ thlâh ha mâh tâh. Hru kawpa ta hmo tao chi ta, tahmâ tawhta cha, chariah a dyuh awpa khâ na hnei aw,” tah ta.

HLAZY 113:6

Alei nata avâ zâ moh tyhpa ahy a y?

HLAZY 123:1

Hy nâ, vâ beidyuchhai liata a tyuhpa y, Nâma lâta ei mo ei kaw khaih.

ISAI 57:15

Moh chônôpa nata cheihchalopa ta hetana heta tah ta, Tlyzaw ta a ypa, a moh Pathaihpa bipa ta hetana heta a tah: “Areisipazy thlahpa pahra ta, Angiapachhipazy palôh pahra awpa ta, Kei he su sâhpa nata su pathaihpa liata pahrâ na ta, Angiapachhipa nata areisipazy hnohta ei pahrâ.

ISAI 66:1

Abeipa ta hetana heta a tah: “Avâ cha ei beidyuchhai châ ta, Alei cha ei phei tlyna a châ. Kheihawhpa o ma eina sapa aw ei chi? Khataih liata ma ei pahâ nawpa su cha a y?

ZEREMIAH 32:19

ryhrao thai ngaitapa nata hmotao thei ngaitapa na châ. Chyhsapa sawzy hrozie zydua na mo ta a hmôtuhpa châ chi ta, chyhsa to ama hrozie nata ama hmotaopazy theilâpa hawhta lymâ a pietuhpa na châ.

ZEKARIA 4:10

A nawraih kawpa ta pathao daihti a mohnao kawpazy khata, Zerubâbe ku liata thliena ri ama hmô tita la, amâ ly ngaita aw. Kha mokhaoh miasaripazy kha, alei chô zydua a hmô pahlie khaipa Abeipa mozy ama châ,” tah ta.

LUKA 11:2

Zisu ta ama hnohta, “Thlah nama chhâ tita, hetana heta nama chhâ aw: “‘Eima Paw vârâh liatapa, Na moh zachhih mawh sy. Na khinarâh vaw tlô mawh sy.

1 TIMAWTHY 6:16

Ano deita cha thi thei leina hnei ta, khaihpa a hnia thei rimâ leipa liata a pahrâ. Ano cha ahy hmah hmô beih leipa nata hmô thei leipa a châ. Khazohpa hnohta palyupalihna nata hmotaotheina chhâzaw ta y mawh sy. Amen.