HLAZY 32:4 - Mara Bible RV (BSI)

⁴ Chhô nah zâ ta na ku ta na vi ta, Châhvâ nokâh ta ti a pakuapa hawhta, Ei thatlôna a kua haw. Selah

HLAZY 32:4 Cross References

ZAWBÂ 16:21

Chyhsa hmia liata bie a duakheipa hawhta, Ano ta Khazohpa hmia liata chyhsapa he a duakhei se ei tah kaw dia!

ZAWBÂ 30:30

Ei vo vaw vyhpa ta ky ta, Ei ruzy palopa ta eina kâ.

ZAWBÂ 33:7

Moh teh, ei chichhihna ta cha pachisa leipa sala, Ei hnawpazy ta cha vi tu khah sy.

HLAZY 22:15

Ei thatlôna beihkao hawhta hi karâpa ta, Ei paleih ei dâh lâta a bai ta, Thina dohlei liata eina soh chi.

CHAPHÔHTUNA 4:8

Tahmâ deikua cha ama hmia chôchoh hlâta vyh via ha ta, Khiliahzy liata ama hmia siah thei awpa châ khao vei; Ama vo ama ruzy liata a bai ta, Tho raohpa hawhta a raoh haw.

CHAPHÔHTUNA 5:10

Eima vozy cha chakâh noh lopa vâta, Lômathu hawhta a saih khai haw.

RUTHI 1:13

ama pitlohna taihta nama hâ thei aw ma? Dyhchâ leipa ta ma âmo châta namâ kuh thlâh ha aw? Châ bao va, ei sawchanôzy saih u, nâmo vâna heta ei pachâ a rôh ngaita. Abeipa ta ei chô liata ku a pathla ha hih,” tah ta.

1 SAMUELA 5:11

Chavâta chyhsa tuah ei ta, Philistinâ bei zydua awpakhy ei ta, ama hnohta, “Izarei Khazohpa Byh he pasiesa syulyu ha teh u. Keimo nata eima phopi he miah a thie khao lei nawpa ta, a yna su dopa lâ kua heih mawh sy,” tah ei ta. Khihpi chhôh zydua liata chhiena rarôh ypa tlô ta, Khazohpa ta khihpi chô liata ku a pathlapa cha a hri ngaita ta.

1 SAMUELA 5:9

Khihpi ama tlôkhei nahta, Abeipa ta khihpi chô liata a ku pathla ta, khihpi cha thata a tymâ ta, khihpi chyhsazy cha a lai a chyh ta hrie ta, ama keihkhaohzy lâ taihta kheihluh pathlasa ta.

1 SAMUELA 6:9

Moh thlâh ha aw ei chi ta, ano yna su Beseme râh lâ khyna lâpi a chhihpa ta a sie khiahta cha, eima chô liata pasana rarôh y ngaitapa a patlôsapa he ano tlai châ ta, cha lâta a sie vei khiahta deikua cha, ano ku ta miah a hriepa châ leipa ta, hri chareina daihti nata Byh yna daihti â su chhopa vâta a châ tahpa eima pahno aw,” tah ei ta.