HLAZY 30:4 - Mara Bible RV (BSI)

⁴ Hy a mopathaihpazy saih u, Abeipa reithaipa ta sa u la; A moh pathaihpa lâ alyna bie hlâ teh u.

HLAZY 30:4 Cross References

1 THÂTIHZYRONA 16:4

Dâvi ta Livai pathla thokhazy cha Abeipa Byh hmiakô liata chakao ta, Abeipa, Izarei Khazohpa lâ thlahchhâpa ta, alyna bie reih ta, reithai awpa ta rao ta.

HLAZY 107:20

A bie tuapa ta âmo patlâh ta, Ama leidia awpa tawhta a pachha ei.

HLAZY 132:9

Na theihthaipazy siana ta a tobi ei sala, Na mopathaihpazy thaphapa ta rahao mawh ei sy.

HLAZY 148:14

A mopathaihpa zydua rônahna châta, A phopi ki cheihchalo ta; A kiapâh liata a ypa Izarei sawzy châta, A phopi ki a cheihchalo haw. Abeipa cha reithai teh u!

HLAZY 28:1

Hy Abeipa, cha pado na ta, Hy ei lôpanô, kei lâta na nah pâ khah sy; Chataleipatala, einâ chalihsai khiah chi ta cha, Khaohtlô liata a tlapa hawhta ei châ pathlei aw na.

HLAZY 32:11

Hy mosiapazy saih u, Abeipa liata a lypa nata thaphapa ta y u la, Hy nâmo, palôh dopazy saih u, Thaphapa ta rahao teh u!

HLAZY 50:5

“Atheihna ta ei hnohta biehrai a taopa, Ei mopathaihpa zy kha, Kei lâta awpakhy teh u,” Abeipa ta a tah.

HLAZY 86:13

Kyh eina pachâna chi he rônah ta, Athihkhih ry chaipa tawhta ei hro na pachha haw.

HLAZY 97:12

Hy mosiapazy saih u, Abeipa liata a ly u la, A moh pathaihpa reithai teh u.

PUASAINA 15:11

“Hy Abeipa, khazohzy hry liata Nâ hawhpa he ahy ma a y? Pathaihna liata beichaipa châ chi ta, Rônahna liata zachhihpa na châ; Hmonoâhpazy a taotuhpa châ chi ta, Nâ hawhpa he ahy ma a y?

ISAI 6:3

Chatawhcha serâfi pakha ta serâfi hropa hnohta, “Pheisaihzy Abeipa cha, A pathaih na, a pathaih na, a pathaih na; Leilô zydua a rônahna ta a bie,” tahpa ta a awsao raihrie ei ta.

BIEPHUAH 4:8

Hmohrohneipa miapalihzy cha mathlaw miacharu hnei chyu ei ta, ama pôhpa chô lâ nata chhôh lâ mokhaoh ta a biepa ama châ. Chatanachata, “Atotaotheipa Abeipa Khazohpa, A y hapa, a y haipa nata a vaw y awpa cha, A pathaih na, a pathaih na, a pathaih na,” tahpa ta a chalih beih leipa ta, chhô nah zâ ta ama reithai.

1 SAMUELA 2:6

Abeipa ta thie ta, A pahro heih tyh. Athihkhih lâ pangiasa ta, A pathyu heih tyh.