HLAZY 30:12 - Mara Bible RV (BSI)

¹² Ei hrona tlokhuh ta na reithaina hla sa aw na ta, A chalih aw va na; Hy Abeipa ei Khazohpa, Tlyzaw ta alyna bie ei cha hlâ aw.

HLAZY 30:12 Cross References

ÂTHAONA 49:6

Ama ryureina liata ei thlahpa a hlao leipa aw ta, Ama pakhypi liata ei rônahna a hlao aw vei. Hiehâhpa ta chyhsa thie ei ta, Khotlâ ta viahchao tôhpazy ama chhawh.

ESTHERI 8:16

Zuzy châta khaihna, thaphana, alyna nata palyupalihna ama tona noh châ ta.

ESTHERI 9:22

Cha nohzy cha Zuzy ta ama chariahzy tawhta amâ bohna noh, pachârôhna alyna lâta â liena noh nata mâchhiesana noh phapa lâta â liena noh ta ama chay tyh awpa a châ. Kyhchhina nata thaphana nohzy ta hmâh aw ei ta, niedo kuhriazy a paphao raihriena nohzy ta hmâh hra aw ei ta, dyhchhiepazy hmosaipa piena noh ta ama hmâh awpa a châ.

HLAZY 13:6

Abeipa cha ei chô liata a pha ngaitapa vâta, Ano lâ hla ei sa aw.

HLAZY 145:2

Noh to ta cha reithai aw na ta, Chhâzaw nata tlyzaw ta na moh ei reithai aw.

HLAZY 16:9

Chavâta ei palôh thapha ta, Ei hro â ly ngaita; Ei pôhpa chhao â bohpa ta a y aw.

HLAZY 44:8

Keimo la noh y ta Khazohpa a palaikhei pi ta, Na moh chhâzaw ta eima reithai aw. Selah

HLAZY 57:8

Hy ei thlahpa, A hra teh! Hy tlaipih nata totâ zy saih u, A hra teh u! Kei ta khihdeipa ei pahra aw!

HLAZY 71:14

Kei deikua cha hnabeiseihpa ta khâ y aw na ta, Ei cha reithai via rili aw.

HLAZY 71:23

Nâma reithaina hla ei sa tita, Ei hmaozy he thaphapa ta awh aw ta; Na chatlaipa ei hro chhao heta, Thaphapa ta a awh aw.

ISAI 61:3

Zaio liata mâchhie a sapazy hnohta, Buchâh vyuhpa ta, Khutho pie awpa ta eina tuah; Mâchhiesana vyuhpa ta, Thaphana sa­thaw pie awpa ta tuah ta; Thachhâna thlahpa vyuhpa ta, Reithaina chysia pie awpa ta eina tuah. Abeipa lopa siana ôkâ thozy tahpa ta awpa châ aw ei ta, Abeipa cha palyupalihpa ta a y aw.

LUKA 19:40

Zisu ta a chhy ta, “Ei cha chho ei, hezy heta amâ thlih thlâh ha khiahta la, alôzy chhâ heta ama awh aw,” tah ta.

HMOTAOPAZY 4:20

Keimo la hmo eima hmôpa nata eima theipazy reih leipa ta y thei ma pi,” tah ei ta.

BIEPHUAH 7:12

“Amen! Reithaina, rônahna, sona, alyna biereina, palyupalihna, hmotaotheina nata thatlôna zy cha chhâzaw nata tlyzaw ta eima Khazohpa hnohta y mawh sy! Amen,” tahpa ta Khazohpa a chhy ei ta.