HLAZY 3:7 - Mara Bible RV (BSI)

⁷ Hy Abeipa, thyu la, Hy Khazohpa, na pachha mah y. Ei chariahpa zydua ama baih liata chabaih chi ta, Hmoparaopazy hâh na thlo tyh.

HLAZY 3:7 Cross References

2 SAMUELA 18:8

Adyuhna cha râh chhôh zydua liata tlô ta, cha noh ta râhmâhpa ta chyhsa a palâpa cha, zaozi ta a palâpa hlâ chhao ta ama hluh via.

ZAWBÂ 16:10

Ama pakah na pakawh chiepa ta, Sâlâ kawpa ta ei baih na chabaih ei ta, A paraoh ei ta eina tei ei.

ZAWBÂ 29:17

Sialeipa naohzy thlie na ta, A sataipa cha a hâh tawhta ei chhu tyh.

HLAZY 10:12

Hy Abeipa, thyu la, Hy Khazohpa, na ku chalo la, Pasataopazy my khah y.

HLAZY 12:5

“Dyhchhiepazy hraopa châ ei ta, Phahlapazy amâ hrôpa vâta, Tahmâ thyu aw na ta, Âmo a teituhpazy tawhta ei pabohsa aw ei,” Abeipa ta a tah.

HLAZY 27:3

Pheisaihzy ta riehmo na paryh thlu hra ei sala, Ei palôh dua leipa aw ta; Adyuhna ta na vaw tlô thlu hra sala, Ei ngâh thlâh ha aw.

HLAZY 35:23

Ei Khazohpa nata ei Beipa, Ei bie a duakhei ta thai na pachâsa awpa ta, A hra la, thyu mah y!

HLAZY 44:23

Hy Abeipa, a hra mah y, Khazia nâ mo thlâh haw? Thyu la, Tlyzaw ta miah dytha khah y!

HLAZY 58:6

Hy Khazohpa, ama pakah liata hâhzy thlie la, Hy Abeipa, chakeibarôhneipa lochopa naohzy thlie pachhô mah y.

HLAZY 59:5

Hy Zehôvâh Khazohpa Atotaotheipa, Nâ cha Izarei Khazohpa châ chi ta, Râhzy hrie awpa ta thyu la, Moleina rarôh ypa taotuhpazy cha, Ahy hmah pahlôh khah y. Selah

HLAZY 6:4

Hy Abeipa, a vaw heih la, Ei hro he pachha mah y; Na zawngiahna hluh ngaitapa vâta, Rie na pachha mah y.

HLAZY 7:6

Hy Abeipa, na hiehâhpa ta thyu la, Ei chariahpazy ruchhôna thyuhnao mah y; Keima châta a hra la, Adona bie pathlu mah y.

HLAZY 74:11

Khazia na ku nâ dao ha tly, Khazia na ku chachâh lâ nâ dao ha tly? Na chysia byh tawhta na ku phia la, Âmo cha pahleipadia ha mah y.

HLAZY 76:9

Lei liata reisipazy pachha awpa ta Khazohpa thyu ta, Pachiana dopa a phuah nota, Alei ta chi ta, sidiapa ta a y. Selah

ISAI 51:9

Hy Abeipa bâh y, a hra la, a hra la, Thatlôna ta a tobi mah y. Chhâ a khô hapazy liata nâ hrapa hawhna khata a hra la, Hlâno daihti liata nâ hrapa hawhna khata a hra heih mah y. Rahâbi a chhawh pachhô khai hapa kha, Nâma châ chi ta; Drâkao a chô pahlietuhpa chhao kha, Nâma ma na châ vei?

CHAPHÔHTUNA 3:30

A baih a chabaihtuhpa châta a baih dao sala, Reipachhiena ta bie mawh sy.

HABAKU 2:19

Thotô hnohta, ‘Thyu teh’ tah ta, Hrona hnei leipa lôtô hnohta, ‘A hra teh,’ A tahtuhpa cha a hu a po na! Cha chata a chhihtha thei aw ma? Moh tua, ngôh nata tâkâ ta pahupa châ ta, Ano liata husona rai hnei vei.