HLAZY 28:2 - Mara Bible RV (BSI)

² Na baona hiapa ta cha pado na ta, Na su pathaih chaipa lâ ei kuzy ei pazawh tita, Zawngiahna ei châ hiana ao thei mah y.

HLAZY 28:2 Cross References

1 ABEIZY 6:19

Abeipa Biehrai Byh so nawpa ta, Achhyna o chhôh chaipa liata supathaihpa tao ta.

1 ABEIZY 6:5

Achhyna o khôtho lâta pâhchhô nata a chhôh lâta pâhchhô zy padôpa ta, pâhchhôzy pasusapa ta, o cha a chhâh ta sa ta, chhôhpadâhpazy a tao.

1 ABEIZY 8:38

ama palôh pasana pahno chyupa ta, mopakha ta tlyma, Izarei zawpi ta tlyma, he o lâ he a heihpa ta ama ku pazawh ei sala, thlahchhâna nata hiana ama vaw tlôkhei khiahta cha,

2 THÂTIHZYRONA 6:13

Sawlawmaw cha dawh laitlâ, a doh lâ dy pangawh, a hâ lâ dy pangawh, â sâhna lâ dy thôh ta tao ta, Achhyna o dôhpachhôh tlyhmia liata a patyupa chô liata a duah ta. Izarei zawpi zydua hmiakô liata a pakhu paneih ta, avâ lâ a heipa ta a bâh pazawh ta, hetana heta thlah a chhâ.

HLAZY 125:5

Lâpi akopazy lâta a tleipazy deikua cha, Abeipa ta hmoparaopazy hnohta a papua aw ei! Izarei chô liata thlalôhna y mawh sy!

HLAZY 130:2

Hy Abeipa, ei ao thei la, Ngiachhie ei châ hawna ao lâ he, Na nah vaw pachôh mah y!

HLAZY 134:2

Su pathaihpa lâ nama ku chaluah u la, Abeipa cha reithai teh u!

HLAZY 138:2

Nâma Achhyna o pathaihpa lâ a heipa ta a bôh na ta, Na zawngiahna nata ngâchhihna vâta, Na moh reithai aw na ta; Hmo to zydua hlâta na moh nata na bie na cheihchalo viapa vâta, Na moh ei reithai aw.

HLAZY 140:6

Abeipa hnohta, Ei Khazohpa châ chi ta, Hy Abeipa, zawngiah awpa ta ei awna ao lâ he, Na nah vaw pachôh mah y, tah na ta.

HLAZY 141:1

Hy Abeipa, ei cha pado hih, Kei lâ a vy patoh la; Ei cha pado tita, Ei ao lâ na nah vaw pachôh mah y!

HLAZY 141:2

Ei thlahchhâna he, Ropahâhpa hawhta na hmiakô liata châ sala; Ei ku chaluahpa he, Zâlâ atheihna hawhta châ mawh sy!

HLAZY 143:6

Ei kuzy nâ lâta pazawh tyh na ta, Ei thlahpa cha nâma vâpa ta alei hipa hawhta a dâh a phi tyh. Selah

HLAZY 5:7

Kei deikua cha na zawngiahna hluh ngaitapa vâta, Na o liata a ngia thei aw na ta; Nâma china chôta, Na Achhyna o pathaihpa lâ a heipa ta ei bôh aw.

HLAZY 63:4

Ei hro chhôh zydua ta cha reithai aw na ta, Na moh ta ei kuzy ei chaluah aw.

CHAPHÔHTUNA 2:19

Thyu la, zâ ta awh la, Zâ vaina athaona maihta awh tyh mah y! Abeipa ypâna hmiakô liata, Na palôh ti hawhta patlai mah y! Khiliah su to liata nodipa ta a panaopa na sawzy châta, Ano lâ na ku pazawh mah y!

DÂNIAH 6:10

Pakhâna biepiepa cha moh ro thlupa a châ haw tahpa a pahnopa nahta, Dâniah cha a o lâ thlai a di ta. A o chô chhâh opyzy cha Zerusale lâ paheipa ta pahypa châ ta. A vaw tao tyhpa hawhta, noh kha ta ei thôh a pakhu paneihpa ta, a Khazohpa hmiakô liata thlahchhâpa ta alyna bie reih ta.

DÂNIAH 6:11

Teituhpazy cha a paraohpa ta vawh ei ta, Dâniah cha a Khazohpa hmiakô liata thlahchhâpa ta baona a hiapa hmô ei ta.

1 TIMAWTHY 2:8

Chapawzy cha su to liata ku pathaihpa avâ lâ pazawhpa ta, hiehâh leipa nata a eichhia leipa ta thlah ama chhâ tyh awpa ei khoh.