HLAZY 27:6 - Mara Bible RV (BSI)

⁶ Nâ chadôtuhpa ei chariahpazy chô lâ ta, Ei luh chaluahpa ta y aw ta; Abeipa poh o liata, A lypa ta awh aw na ta, atheihna ei hlâ aw.

HLAZY 27:6 Cross References

ÂTHAONA 40:13

Tahmâ tawhta noh thôhna liata Phiraoh ta na luh cha chaluah aw ta, na raihria liata a cha padua heih aw. A nyu hlâtuhpa na châ tyhpa hawhna khata, Phiraoh nyu cha a ku liata na hlâ heih aw.

ÂTHAONA 40:20

A noh thôhna noh, Phiraoh pi noh liata, Phiraoh ta a chakaotuhpa zydua châta kyhchhi tao ta. A chakaotuhpazy mohmô ta nyu hlâtuhpazy hyutuhpa nata viahchhâ taotuhpazy hyutuhpa cha ama luh chaluah ta.

2 SAMUELA 22:1

Dâvi cha a chariahpa zydua ku tawhta nata Sawla ku tawhta Abeipa ta a pachha noh ta, he hla biezy he hmâpa ta Abeipa reithai ta:

2 SAMUELA 22:49

Ei chariahzy tawhta nâ chhi papuatuhpa a cha. Nâ thyuhnaopazy chô lâta na chalo chi ta, Thachahra a hmâhpa chyhsazy tawhta eina pachha ha chi.

2 SAMUELA 7:9

na siena maih liata na hnohta y lymâ na ta, na chariah zydua na hmiakô tawhta ei chhawh pathlah ha ei. Alei chô liata chyhsa rônahpazy hawhta, moh rônahpa ei cha taopa aw.

2 ABEIZY 25:27

Babylaw bei Evimerôdâ ta a ryureina â thaona kô liata, Zudâh bei Zehôkhi cha, seichâna lâ a sie tawhta kô sythôh nata kô sarina, thla hrawh hleinona, noh kih nata noh sarina noh ta patâhna o tawhta papua ta.

1 THÂTIHZYRONA 22:18

“Abeipa nama Khazohpa nama hnohta y vei ma? Su to liata apahâna cha pi ha veih ei ma? He râh liata a pahrâpazy cha Abeipa ta ei ku liata na pie ta, Abeipa nata a phopi hmiakô liata ama râh cha panawhpa ta a y haw.

HLAZY 107:22

Alyna biereina atheihnazy hlâ ei sala, Alyna hlazy ta a hmotaopazy chho mawh ei sy!

HLAZY 110:7

Lâpi liata vahtie ti doh aw ta, Chavâta a luh a pachhua thei aw.

HLAZY 119:108

Hy Abeipa, ei châ haw na, Lôhthai ta reithaina ei chaw hlâpazy he a pyh la, Na ryhpazy na pachu mah y.

HLAZY 138:5

Abeipa abeina cha a rônah ngaitapa vâta, Abeipa lâpizy reithaina hla ama sa aw.

HLAZY 21:1

Hy Abeipa, abei cha na thatlôna liata a ly ta, Na pachhana liata a thapha kaw dia!

HLAZY 21:13

Hy Abeipa, na thatlôna liata palyupalihpa ta y aw chi ta, Na hmotaotheina reithaipa ta hla eima sa aw.

HLAZY 3:3

Châhrasala Hy Abeipa, Nâ cha ei vyhphao châ chi ta, Ei rônahna nata ei luh nâ chalotuhpa na châ.

HLAZY 3:4

A paropa ta Abeipa aw na ta, A tlâh pathaihpa tawhta einâ vaw chhy. Selah

HLAZY 47:1

Hy phopizy saih u, nama ku chabaih u la, Lyna hla sapa ta Khazohpa lâ awh teh u!

HLAZY 57:8

Hy ei thlahpa, A hra teh! Hy tlaipih nata totâ zy saih u, A hra teh u! Kei ta khihdeipa ei pahra aw!

HLAZY 81:1

Eima thatlôna Khazohpa lâ ao paropa ta hla sa u la, Zakaw Khazohpa lâ a lypa ta awh teh u!

HLAZY 95:1

A vy u la, Abeipa lâ hla sa ei sih la, Eima pachhana lôpanô lâ thaphapa ta awh ei suh u!

ISAI 12:6

Hy Zaio sawzy saih u, Nama hry liata a ypa Izarei Mo Pathaihpa cha, Rônah ngaitapa a châpa vâta, Thata awh u la, alypa ta hla sa teh u.”

ZEREMIAH 31:7

Abeipa ta hetana heta a tah: “Zakaw châta thaphapa ta hla sa u la, Phopi rônah chaipa châta thata awh teh u; Tlâh awhpa ta reithai u la, ‘Hy Abeipa na phopi he pachha la, Izarei laibâhpa he pachha mah y,’ tah teh u.

ZEREMIAH 33:11

Alyna nata thaphana aozy thei heihpa châ aw ta, myuhneituhpa nata myuh aozy chhao thei heihpa châ aw ta, Abeipa o lâta alyna biereina hmohlâpa a vaw cheihpazy ao chhao thei heihpa châ aw ta, “‘Pheisaihzy Abeipa hnohta alyna bie reih teh u, Abeipa cha pha ta, A kyhpachâna tlyzaw ta a ypa a châ!’ ama tah aw. Hmiatuapa daihti hawhna khata, râh cha vânoh ei patosa heih aw,” Abeipa ta a tah.

ZEKARIA 9:9

Hy Zaio sawchanô, thapha ngaitapa ta y la, Hy Zerusale sawchanô, thata awh teh! Moh tua, na bei cha nâ lâta â vy hai; Mosiapa nata pachhatuhpa a châ; Areisipa ta alâ vaw kiah ta, Alâtaw, alâ panô taw tlai vaw kiah ta â vy.

HEBRAI 13:15

Chatanachata ano zawhzi ta reithaina atheihna cha Khazohpa hnohta khâ hlâ suh vy. Cha cha a moh achâhkheina hmaozy theilâpa a châ.

1 PITY 2:5

Zisu Krista zawhzi ta Khazohpa a pyh tlâhpa thlahpa atheihna hlâtuhpa theihthai pathaihpazy châ awpa ta, alô hrohpa hawhta paduapa thlahpa o nama châ.

BIEPHUAH 15:3

Khazohpa chakaotuhpa Mawsi hla nata Mietakutaw hlazy hetana heta ama sa: “Hy Atotaotheipa Abeipa Khazohpa, Na hmotaopazy rônah ta, Noâh â chhih kaw dia! Hy phopizy Beichaipa, Na lâpizy sia ta, Â do kaw dia!

BIEPHUAH 5:9

Chatawhcha âmo chata, “Nâ cha châbu chatypa a la tlâhpa châ chi ta, A chahnaonazy a pathlâ tlâhpa na châ. Thiepa ta y chi ta, Na thisaih ta, Chi to nata reih to, Phopi to nata râh to zy cha, Khazohpa châta na chatlai ha ei.