HLAZY 26:10 - Mara Bible RV (BSI)

¹⁰ Cha hawhpazy ku liata hmo chhiepa tao achhuahna y ta, Ama ku chachâh lâ panaopapanazy ta a bie.

HLAZY 26:10 Cross References

HLAZY 10:14

Na hmô mâh tâh, Ruchhôna nata nôchhiena zy ngiapa ta, Na ku liata soh chi ta; Dyhchhiepa ta cha pangai ta, Paw hnei leipa baotuhpa na châ.

HLAZY 11:2

Moleipazy ta libaw a keipa ta, A ri liata ama châtai pataoh ha ei ta, Chyhsa dopa cha azo ta a palôh liata ka amâ chhuah.

HLAZY 36:4

A rakhô liata hmo chhiepa patuapaluapa ta, Hrozie pha leipa liata anosasyh ta a soh ta, Moleina dytha vei.

HLAZY 52:2

Nâ, dôveina rai a hriatuhpa, Na paleih ta raona patohpatia ta, Na paleih cha chaidâh tiahpa hawhta a châ.

PUASAINA 23:8

Panaopapana na la awpa châ vei. Panaopapana ta mo pavâpa mo pachaosa ta, mosiapa cha biedopa tawhta a patleisa tyh.

BIESOZY 1:16

Moleina lâta ama pheizy a râ ta, Thisaih palo awpa ta amâ para tyh.

BIESOZY 4:16

Hmo ama parao ha tua leipa ta cha, A mô thei leipa ei ta; Chyhsa ama chapiasa ha tua leipa ta cha, Ama mo ku thei vei.

ISAI 33:15

Siana ta chareipa ta bie dopa a reihpa, Avyuhna taopa ta athôhna hmôpa a dythapa, Panaopapana la lei awpa ta a ku a phaihpa, Thisaih palona bie a thei lei nawpa ta a nah a chahupa, Moleina lâ mo lei awpa ta a mo a pasopa,

AMÔSÂ 5:12

Hy nâmo, chyhsa siapazy taola ei chi ta, Panaopapana lapa ta, Phahlapazy cha thokhy chhikao liata A pathluapa saih u, Nama paraona hluhzie pahno na ta, Nama moleina laizie ei pahno.

MIKÂ 7:3

Ama kuzy ta moleina hmo taopa a saomâ kaw ta, Beimachâ nata ryureituhpa zy ta Panaopapana amâ hnaw; Molaipa ta a palôh ta moleina hmo a tao khohpa reih papua ta, Cha hawhna chata ama patipatyh khoh tyh.

HMOTAOPAZY 23:12

Khih a dei nahta, Zuzy a paraoh ei ta, Pawla ama thie hlâlei cha khâpa hmah nie leipa nata doh lei awpa ta bie a taih ei ta.

RYHPACHANEINA 16:19

Adona nama charichamy awpa châ leipa ta, khokhei viapa nama hnei awpa châ vei. Panaopapana nama la awpa châ vei. Panaopapana ta asopazy mo pachao ta, mosiapazy â sia lâta bie a pareisa tyh.

1 SAMUELA 8:3

Châhrasala a sawchapawzy ta ano lâpi a chhih leipa ei ta, sôh nata piah a chadai ei ta, panaopapanazy la ei ta, adona tleisaipa ta ryu ama rei tyh.