HLAZY 25:7 - Mara Bible RV (BSI)

⁷ Ei thyutlia nota moleina nata paraonazy a thei leipa la, Na ngâchhihna vâta nâ thei la, Hy Abeipa, na phana vâta nâ thei mah y!

HLAZY 25:7 Cross References

ZAWBÂ 13:26

Ruchhôna biezy na ro thlu chi ta, Ei thyutlia moleina ryu eina patosa chi.

ZAWBÂ 20:11

A ruzy cha thyutlia thatlôna ta bie ta, Châhrasala a hnohta dohlei liata â zia aw.

HLAZY 106:3

Adona a duakheipazy cha nohlao ei ta, Khatino rai ta a siapa ta hmo a taopazy ama nohlao tyh.

HLAZY 106:4

Hy Abeipa, na phopi na khokhei tita nâ thei la, Na pachha ti ei ta na bao mah y.

HLAZY 109:14

A pathlatuhpazy moleina Abeipa hmiakô liata a thei thlâhpa ta y sala, A nô moleina mypa châ khah se!

HLAZY 109:16

Phana palâsa a chhuah leipa ei ta, Dyhchhiepa nata phahlapazy taola ei ta, Palôh keichheihpazy thie amâ chhuah.

HLAZY 109:26

Hy Abeipa ei Khazohpa, na bao la, Na kyhpachâna tleih beih leipa vâta, Na pachha mah y!

HLAZY 119:124

Na kyhpachâna tleih beih leipa hawhta, Châ cha­kaotuhpa chô liata tao la, Na bieraopazy na pachu mah y.

HLAZY 31:16

Châ chakaotuhpa chô liata na hmia pakhaihsa la, Na ngâchhihna vâta na pachha mah y!

HLAZY 51:1

Hy Khazohpa, na kyhpachâna tleih beih leipa vâta, Na ngiachhie la; Na zawngiahna chhâ tiah leipa vâta, Ei paraonazy a ngiahthai mah y.

HLAZY 6:4

Hy Abeipa, a vaw heih la, Ei hro he pachha mah y; Na zawngiahna hluh ngaitapa vâta, Rie na pachha mah y.

HLAZY 79:8

Miah pathlatuhpazy moleina vâta miah hrie leipa la, Na zawngiahna ta miah a tyh patoh mawh sy, Thata panawhpa ta eima y ha hih.

ISAI 38:17

Pachâ tua, nôpona thata ei tyhpa kha, Keima pha nawpa châta tlao a vaw châ. Châhrasala kyhpachâna ta ei hrona na pachha chi ta, Raona khaohtlô tawhta eina pachha ha chi; Ei moleina zydua kha, Na hnohky lâ na thy khai haw.

ISAI 43:25

“Kei, keima tlai he, Ei moh vâta na paraonazy a phietuhpa châ na ta, Na moleinazy a thei khao aw va na.

ISAI 48:11

Keima châta, keima châ tlai ta, Cha hmo cha a taopa ei châ; Khazia reipachhiepa ta ei y aw? Ei rônahna he mohropa hnohta pie aw va na.

ISAI 64:9

Hy Abeipa y, hiehâh ngaitapa ta y leipa la, Eima moleinazy cha, Chhâzaw ta a thei thlâh ha khah y. Ngiachhiepa ta miah moh tua, Eima zydua ta na chyhsa sai eima châ hih.

ZEREMIAH 3:25

Eima thyutlia daihti tawhta tanoh taihta, keimo nata miah pathlatuhpazy ta Abeipa eima Khazohpa chô liata molei ha pi ta, Abeipa eima Khazohpa bie eima zyh leipa vâta, nozapa ta a zia sih la, eima nohzaona ta miah khu mawh sy.”

ZEREMIAH 31:34

Ahy hmahta ama vaih nata ama unawhpa cha, ‘Abeipa pahno teh,’ tahpa ta pachu khao aw veih ei. A chyh chaipa tawhta a lai chaipa taihta, ama zydua ta eina pahno ha aw ei,” Abeipa ta a tah. “Ama paraona cha a ngiahthai aw na ta, ama moleina chhao a thei khao aw va na.”

ZAWHÂNA 5:14

A noh hropa ta Zisu ta ano cha Achhyna o liata hmô ta, a hnohta, “Moh teh, na tlâh ha hih! Molei khao khah y. Chataleipatala hmopha lei viapa na chô liata a vaw tlô pathlei aw na,” tah ta.

ZAWHÂNA 5:5

Cha liata kô sythôh nata kô charie a pasapa chyhsa pakha y ta.

HEBRAI 8:12

Ama paraopazy liata zawh a ngiah aw na ta, Ama moleinazy a thei khao aw va na.”