HLAZY 25:5 - Mara Bible RV (BSI)

⁵ Na biehmeiseihpa liata nâ chhi la, Na pachu mah y; Ei pachhana Khazohpa châ chi ta, Noh y ta nâ ei cha hâ.

HLAZY 25:5 Cross References

ÂTHAONA 49:18

“Hy Abeipa, na pachhana ei hâ thlâh haw!

NEHEMIAH 9:20

Âmo pachu awpa ta na Thlahpa phapa pie chi ta, na mânâ ama pakah lâ a ngia awpa pakhâ leipa chi ta, ama dâhphi nota do awpa ti na pie tyh ei.

ZAWBÂ 36:22

Moh teh, Khazohpa cha a hmotaotheina vâta cheihchalopa ta y ta, Ano hawhpa pachutuhpa ahy ma a y?

HLAZY 107:7

Lâdy lâta âmo cha a chhi ta, Pahrâ nawpa khihpi ama tlô hlâlei â chhi ei.

HLAZY 119:26

Ei lâpizy cha chho na ta, Eina chyhei ha chi; Na bieraopazy na pachu mah y!

HLAZY 119:33

Hy Abeipa, na bieraopazy lâpi na pachu la, Achhâna taihta ei chhih aw.

HLAZY 119:66

Na biepiepazy a ngiapâpa châ na ta, Pahnona nata pachiana phapa na pa­chu mah y.

HLAZY 119:97

Na ryhpa cha ei pasô kaw dia! Noh y ta ei pachâ tyh.

HLAZY 22:2

Hy ei Khazohpa, nohchhô ta awh na ta, Châhrasala nâ chhy va chi; Zâ ta chhao awh na ta, Apahâna hmô va na.

HLAZY 24:5

Cha chyhsa cha Abeipa tawhta byhnâ to aw ta, A pachhana Khazohpa tawhta siana a hmô aw.

HLAZY 25:10

A biehrai nata a ryhpa a zyhtuhpazy châta la, Abeipa lâpi zydua cha kyhpachâna nata ngâchhihna sai a châ.

HLAZY 25:8

Abeipa cha aphapa nata adopa châ ta, Chavâta moleipazy lâpi a pahmô tyh ei.

HLAZY 68:20

Eima Khazohpa cha pachhana Khazohpa châ ta, Thina tawhta puana chhao, Abeipa, zibeipa liata a y.

HLAZY 79:9

Hy eima pachhana Khazohpa y, Na moh rônahna châta miah bao mah y; Na moh vâta miah pachha la, Eima moleinazy miah chatlaipa mah y!

HLAZY 86:3

Hy Abeipa, noh y ta cha pado na ta, Na ngiachhie mah y!

HLAZY 88:1

Hy Abeipa, ei pachhana Khazohpa y, Na hmiakô liata chhô nah zâ ta ei awh hih.

BIESOZY 23:17

Na palôh ta moleipazy uahva leipa sala, Noh y ta Abeipa chipa ta tlao y mah y.

BIESOZY 8:34

Noh chareih ta ei chhikaozy lâ a vypa ta, Ei dôhpachhôh ochhizy liata hâ tyh ta, Ei bie a nathlie tyhpa cha a nohlao na.

ISAI 30:18

Chatahrasala Abeipa cha, Cha ngiachhie awpa ei ta cha hâ thlâh ha ei ta; Nama chô liata zawngiahna palâsa awpa ta, Anosasyh ta â cheihchalo aw. Abeipa cha adona Khazohpa châ ta, Ano a hâtuhpazy cha vânoh ama to aw.

ISAI 35:8

Cha liata lâlai y aw ta, Pathaihna Lâpi tahpa a châ aw; Pathaihna lâpi a chhihtuhpazy châta châ aw ta, Pathaih leipazy ta a chhih aw veih ei; Moleipa ahrupazy chhao, Cha liata sie aw veih ei.

ISAI 42:16

Mochaopazy cha, Ama pahno beih leipa lâthlôh liata a chhi aw ei na ta, Ama pahno beih leipa lâpi liata ei chhihtha aw ei. Ama hmiakô liata zohna cha khaihna ta tao aw na ta, Su byuhpazy ei paraih khai aw. Cha hmozy cha tao aw na ta, Âmo siesai aw veih ei na.

ISAI 49:10

Ama nodi leipa aw ta, Ama dâh phi aw vei; Thlih lalôhpa ta âmo cha pathli thlu leipa aw ta, Noh lopa ta âmo vawh aw vei. Âmo ngiachhietuhpa ta chhihtha aw ei ta, Tihnawh kiapâh liata â chhi laih aw ei.

ISAI 54:13

Abeipa ta na saw zydua pachu aw ta, Na sawzy cha ama thlah a lôh ngaita aw.

ZEREMIAH 31:9

Chana chôta ta a vy aw ei ta, Zawngiah awpa ta amâ hawna chôta Ei chhi pakhua aw ei. Izarei châta paw châ na ta, Epharai cha ei sawchapaw uhtheipa a châ; Chavâta vahtie ti lona kiahzy liata pasiesa aw ei na ta, Amâ chapia lei nawpa ta lâpi palâpa liata ei chhi aw ei.

MIKÂ 7:7

Kei deikua cha Abeipa lâ ei moh aw; Ei pachhana Khazohpa hâ aw na ta, Ei Khazohpa ta einâ thei aw.

LUKA 18:7

Khazohpa chhochhi ta cha, â tlyhpa, chhô nah zâ ta ano a awsaopazy châta hmo dopa taopa leipa ta a y aw ma? A pahawh pasâh aw ma?

ZAWHÂNA 14:26

Thlapalôhtuhpa, Paw ta ei moh ta a vaw tua awpa Thlahpa Pathaihpa chata, ato cha pachu aw ei ta, nama hnohta ei reipa zydua kha a cha patheisa heih aw ei.

ZAWHÂNA 16:13

Biehmeiseihpa Thlahpa a vaw tlô tita, biehmeiseihpa zydua liata a châ chhi aw ei. Ano biehneina ta bie reih leipa aw ta, bie a theipa maih a cha chho aw ei. Hmo a vaw tlô awpazy chhao a cha pahnosa aw ei.

ZAWHÂNA 6:45

Hrohsopazy châbu liata, ‘Khazohpa pachupa ta ama y khai aw,’ tahpa ropa a châ. Paw bie thei ta, a chupa maih cha kei lâ amâ vy tyh.

RAWMA 8:14

Khazohpa Thlahpa chhihthapa ta a ypa maih Khazohpa sawzy ama châ.

1 ZAWHÂNA 2:27

Nâmo la, ano tawhta sathawthuna nama hmôpa kha nâmo liata y thlâh ha ta, ahy hmah pachu a ngiah veih ei chi. A sathawthuna ta kyh toti cha pachu ei ta, cha cha a do ta, haipa bie châ vei. A sathawthuna ta a cha pachupa hawhna ei khata, ano liata y thlâh ha teh u.

BIEPHUAH 7:17

Beidyuchhai liah liata a tyuhpa cha, Âmo vaituhpa a châ aw; Hrona tihnawhzy lâ âmo a chhi aw ta, Ama mo liata mothlih zydua Khazohpa ta a hru khai aw,” tah ta.