HLAZY 25:19 - Mara Bible RV (BSI)

¹⁹ Nâ chariahpazy ama hluhzie he pachâ la, Thata einâ haonazie ei he pachâ tua.

HLAZY 25:19 Cross References

2 SAMUELA 16:11

Dâvi ta Abisai nata bei chakaotuhpa zydua hnohta, “Pachâ teh u, ei sawchapawpa, ei chhôh chhipa cheingei ta thie einâ chhuahpa châ ta, he Benzami chyhsa chhochhi heta cha, thie einâ chhuah pachai aw dia! Kheihta hmahta tah khah u. Chhie cha sa thlâh ha lah vâ. Abeipa ta a pataosapa na a châ aw.

HLAZY 11:5

Abeipa ta mosiapa cha pasia ta, Moleipa nata nôchhiepa zy deikua cha a hro ta â hao.

HLAZY 138:7

Nôpona hry liata ei chareipa chhao ta, Ei hrona pahlôh chi ta; Ei chariahpazy hiehâhna lâ na ku pazawhpa ta, Na ku chachâh lâta eina pachha tyh chi.

HLAZY 140:1

Hy Abeipa, chyhsa moleipazy tawhta na pachha la, Thachahra a hmâhpa chyhsazy tawhta na pabohsa mah y.

HLAZY 140:11

Kyhchhie a reih thaipazy cha, Râh liata paduapa châ leipa ei sala; Thachahra a hmâhpa chyhsazy cha, Hmo pha leipa ta a chatliepa ta chadai ei sala pahlei mawh ei sy.

HLAZY 140:4

Hy Abeipa, hmoparaopa ku tawhta na vaih la, Thachahra a hmâhpa chyhsazy tawhta na pabohsa mah y; Ei phei chapiasa a chhuahpazy ama châ hih.

HLAZY 143:3

Chariahpa ta ei thlahpa a chadai ta, Ei hrona he alei liata taichheih ta; Ama thi tawhta bohpi a châ hapazy hawhta, Zohna liata eina pahrâsa haw.

HLAZY 18:48

Ei chariahzy tawhta nâ pachhatuhpa châ chi ta, A châ na, nâ thyuhnaopazy chô lâta na cheihchalopa ta, Thachahra a hmâhpa chyhsa tawhta eina pachha ha chi.

HLAZY 27:12

Ei khakhaipazy khopa lâta na hlâ khah y; Pahnokheituh pakheipazy ta na thyuhnao ei ta, Nôchhiena hu eina so thlu ei.

HLAZY 27:2

Hmoparaopazy nâ vyhnao ei ta, Ei sapa nie khai amâ chhuah; Ei chariahpa nata ei khakhaipazy cha, Âmo tlao a chapia ei ta ama pao.

HLAZY 38:19

Ei khakhaipazy cha thatlôpa nata pasaiphazy châ ei ta, Âdoleipa ta nâ haotuhpazy ama hluh kaw.

HLAZY 38:20

Âmo chata phana cha chhiena ta na thô ei ta, Phana ei khohpa vâta eina leih ei.

HLAZY 52:2

Nâ, dôveina rai a hriatuhpa, Na paleih ta raona patohpatia ta, Na paleih cha chaidâh tiahpa hawhta a châ.

HLAZY 56:2

Ei chariahpazy ta noh y ta na tlypâ ei ta, Chyhsa hluhpi ta a khotlâh kawpa ta einâ dyuh ei.

HLAZY 57:4

Ei hrona he chakeibarôhneipazy hry liata y ta, Sahrâhpazy hry liata a zia na ta; Asei nata châtai hâh hnei ta, Zaozi tiahpa paleih a hneipa chyhsa sawzy hry liata ei y.

HLAZY 86:14

Hy Khazohpa, chyhsa a khotlâhpazy ta na thyuhnao ei ta, Chyhsa nôchhiepa sahlao ta ei hrona pahlei amâ chhuah; Ama hmia lâta nâ cha soh veih ei.

LUKA 22:2

Zawpi ama chipa vâta, theihthai beizy nata ryhpa pachutuhpazy ta arulâta Zisu cha tei ta, thie thei nawpa lâpi tlua ei ta.

LUKA 23:5

Châhrasala âmo ta, “Kâlili râh tawhta pathaopa ta, he su taihta, Zudia râh su to liata pachupa ta chyhsazy a patypamâ lymâ,” tahpa ta leih via rili ei ta.