HLAZY 25:12 - Mara Bible RV (BSI)

¹² Abeipa a chipa chyhsa cha ahy ma a châ? Cha chyhsa cha lâpi â chhih awpa a pahmô aw.

HLAZY 25:12 Cross References

ÂTHAONA 26:2

Abeipa a hnohta a vaw luah ta, “Izi râh lâ zu leipa la, râh ei cha chho awpa liata y mah y.

HLAZY 111:10

Abeipa china cha sona athaona châ ta, Abeipa a chituhpa zydua ta novâhna ama hnei. Abeipa cha tlyzaw ta reithaipa ta y mawh sy!

HLAZY 32:8

“Na sie nawpa lâpi chhopa ta cha pachu aw na ta, Ei mo ta cha tawpâpa ta ryh ei cha raopa aw.

HLAZY 37:23

Chyhsa phapa phei chakâna cha Abeipa ta a chhi ta, A lâpi liata â ly kaw tyh.

PUASAINA 4:15

A hnohta bie reih aw chi ta, a pakah liata bie na soh lymâ aw. Nâma pakah nata ano pakah liata y aw na ta, nama tao awpa ei cha pachu lymâ aw ei.

BIESOZY 1:7

Abeipa china cha novâhna athaona châ ta, Ahrupazy ta sona nata pachuna ama mohnao tyh.

BIESOZY 15:33

Abeipa china cha sona pachuna châ ta, Palyupalihna to awpa ta a reisi tua awpa a byuh.

BIESOZY 16:6

Kyhpachâna nata ngâchhihna ta moleina chatlai ta, Abeipa chipa vâta chyhsa ta moleina a siesai tyh.

BIESOZY 2:5

Abeipa china kyh liata na novâh aw ta, Khazohpa pahnona nâ huah aw.

BIESOZY 2:9

Chatanachata siana nata adona kyh liata na novâh aw ta, Akhongâhna nata lâpi phapa to kyh na no a vâh aw.

BIECHHOTUHPA 12:13

Bie zydua reipa nata theipa a châ khai tawhta, cha bie zydua sypahmaohna cha he he a châ: Khazohpa chi la, a biepiepazy a pyh mah y. Cha cha chyhsa to tao awpa ama maophaohna a châ.

ISAI 35:8

Cha liata lâlai y aw ta, Pathaihna Lâpi tahpa a châ aw; Pathaihna lâpi a chhihtuhpazy châta châ aw ta, Pathaih leipazy ta a chhih aw veih ei; Moleipa ahrupazy chhao, Cha liata sie aw veih ei.

ISAI 50:10

Nama hry liata ahy ei Abeipa cha chi ta, A chakaotuhpa bie a zyh tly? Zohna liata chareipa ta Khaihna rai a hnei leipa chyhsa chata, Abeipa moh cha ngâ sala, A Khazohpa cha a ngâchhâ mawh sy.

ZAWHÂNA 7:17

Ahy rai Khazohpa khopa a tao khohpa a châ khiahta cha, ei bie pachupa he Khazohpa tawhtapa ma, keima tao chhyhpa a reihpa ma ei châ tahpa a pahno aw.

HMOTAOPAZY 10:2

Kawnilia cha Khazohpa a pachâpa chyhsa châ ta, a chhôhkha zydua chhao Khazohpa a chipa châ ei ta, chyhsa rietheipazy riapha ngaitapa ta baona a pie tyhpa châ ta, Khazohpa lâ thlah khâ a chhâ tyhpa a châ.

HMOTAOPAZY 10:22

Âmo ta, “Vâlyuhchâpa pathaihpa ta Kawnilia hnohta a luah ta, nâ cha vaw padysa ta, na biereipa a o liata nathlie awpa ta a chho. Ano cha pheisaih za kha hyutuhpa châ ta, chyhsa siapa nata Khazohpa a chipa, Zu phopi zydua ta ama reithaipa a châ,” tah ei ta.

HMOTAOPAZY 11:14

Ano ta bie cha chho aw ta, cha bie chata nâ nata na chhôhkhazy pachhapa ta nama y aw,’ a vaw tahpa kyh miah chho ta.

HMOTAOPAZY 13:26

“Unawh saih u, Abarahâ pathla sawzy saih u, nama hry liata Khazohpa a chipa zydua saih u, he pachhana bie he keimo hnohta paphaopa eima châ.

ZAWSUA 3:4

Anodeikua nâmo nata Byh likawh liata dy 2,000 rachhôh â hla awpa a châ. Namâ hnia awpa châ vei. Chatanachata nama sie nawpa lâpi cha nama pahno thei aw, kha hlâta he lâpi he a chhih beih tlôh lei khâh ei chi ta,” tah ei ta.

1 ZAWHÂNA 2:27

Nâmo la, ano tawhta sathawthuna nama hmôpa kha nâmo liata y thlâh ha ta, ahy hmah pachu a ngiah veih ei chi. A sathawthuna ta kyh toti cha pachu ei ta, cha cha a do ta, haipa bie châ vei. A sathawthuna ta a cha pachupa hawhna ei khata, ano liata y thlâh ha teh u.

1 SAMUELA 9:6

Châhrasala chakaotuhpa ta a hnohta, “Pachâ tua, he khih liana he Khazohpa chyhsa pakha y ta, chyhsa zachhih ngaitapa a châ, a reipa maih a tlô lymâ tyh. Cha lâ cha vawh tua ei si, eima sie nawpa lâpi miah a chho thei ngyu aw,” tah ta.