HLAZY 25:11 - Mara Bible RV (BSI)

¹¹ Hy Abeipa, ei moleinazy hluh hra sala, Na moh vâta rie nâ ngiahthai mah y.

HLAZY 25:11 Cross References

HLAZY 109:21

Nâ deikua cha, Hy Abeipa Zehôvâh y, Na moh vâta ei chô liata a phapa ta tao la; Na zawngiahna phana vâta, Na pachha mah y!

HLAZY 143:11

Hy Abeipa, na moh vâta, Ei hrona he pabohsa la; Na siana vâta ei thlahpa he, Nôpona tawhta papua mah y!

HLAZY 31:3

Ei lôpanô nata ei thokhy châ chi ta, Na moh vâta na chhihtha la, Na cha-ao mah y.

HLAZY 79:9

Hy eima pachhana Khazohpa y, Na moh rônahna châta miah bao mah y; Na moh vâta miah pachha la, Eima moleinazy miah chatlaipa mah y!

PUASAINA 34:7

chyhsa sâh hluhpi chô liata ngiachhiena palâsa ta, taopasina nata paraona nata moleinazy a ngiahthai ta, thailei a châpazy deikua hrie leipa ta a pakhôsa leipa, pawzy hmoparaona cha saw nata samoh sahlâhzy chô liata patlôsa ta, chhâ thôhna nata chhâ palihna taihta a patlôsapa,” tahpa ta a phuah ta.

ISAI 43:25

“Kei, keima tlai he, Ei moh vâta na paraonazy a phietuhpa châ na ta, Na moleinazy a thei khao aw va na.

ISAI 48:9

Ei cha chhawh pathlah leina awpa ei ta, Ei moh vâta ei hiehâhna pahawhsa na ta, Keima reithaina vâta nama châta maoh ei oh.

ZEREMIAH 14:7

“Eima paraonazy ta miah leih hra sala, Na moh vâta, Hy Abeipa, rai hria mah y; Eima paonazy hluh ngaita ta, Na chô liata eima vaw molei haw.

EZEKIA 20:9

Châhrasala ama hry liata ama pahrâpa phopizy mohmô liata keimasasyh ta â pahnosapa ta, phopizy mohmô lia tlai ta Izi râh tawhta ei kaw chhi papuapa ama châpa vâta, phopizy mohmô liata ei moh papuapaleipa ta a y lei nawpa ta, âmo cha hrie lei awpa lâta hmo ei tao lilaw hapa a châ.

EZEKIA 36:22

“Chavâta Izarei pathlazy cha hetana heta chho teh. Abeipa Zehôvâh ta hetana heta a tah: Hy Izarei pathlazy saih u, nâmo thapasa vâ châ leipa ta, nama siena râhzy liata nama papuapaleipa ei moh pathaihpa thapasana vâta, he hmo he tao ei chhuahpa a châ.

RAWMA 5:15

Châhrasala hmosaipiepa cha moleina nata a lyu vei. Chyhsa pakha moleina vâta hmahta chyhsa hluhpi ama thi khiahta cha, Khazohpa ngiachhiena nata chyhsa pakha, Zisu Krista ngiachhiena hmosaipiepa chhochhi cha, chyhsa hluhpi chô liata vaoheipa ta a y tlai aw.

1 ZAWHÂNA 2:12

Sawzy saih u, ano moh ta nama moleinazy a ngiahthaipa a châpa vâta, nâmo lâ ei vaw roh.