HLAZY 24:1 - Mara Bible RV (BSI)

¹ Alei nata a chhôh liata a ypa zydua he Abeipa eih châ ta, Khizaw nata a chhôh liata a pahrâpa zydua chhao Abeipa eih a châ.

HLAZY 24:1 Cross References

1 THÂTIHZYRONA 29:11

Hy Abeipa y, rônahna zy, hmotaotheina zy, palyupalihna zy, pahniena zy, abeina zy na eih châ ta, avâzy nata alei liata a ypa zydua chhao na eih a châ. Hy Abeipa, khinarâh cha na eih châ ta, ato chô lâta a to luh châta cheihchalopa na châ.

1 THÂTIHZYRONA 29:16

Hy Abeipa eima Khazohpa y, na moh pathaihpa y nawpa o eima cha sapa awpa châta eima hmopiepa hluh ngaitapazy he, nâma ku tawhta eima hmôpazy châ ta, ato zydua he na eih sai a châ.

2 THÂTIHZYRONA 25:9

Amazia ta Khazohpa chyhsa hnohta, “Cha hawhpa khiah, Izarei pheisaihzy ei pie hapa talent 100 kha kheihta ei tao aw?” tah ta. Khazohpa chyhsa ta, “Abeipa ta kha hlâta hluh via a cha pie thei,” tah ta.

ZAWBÂ 34:13

Ahy ma ano cha alei mohôh awpa ta soh ta, Khizaw pôhpalôhpa he a chô liata a khaih tly?

ZAWBÂ 41:11

Ahy ta na pie tua ta ma ei thô awpa a byuh tly? Avâ ry liata hmo to zydua he kei eih mâh a châ tâh.

ZAWBÂ 41:3

Zawngiah awpa ta châ hawpa ta, Reikah naipa ta bie a châ chho aw ma?

HLAZY 50:10

Râhmâhpa liata râhsa zydua kei eih châ ta, Tlâhpi sâh kha liata sa zydua chhao kei eih a châ.

HLAZY 50:12

“Ei no a dipa chhao ta, Nâ la cha chho hlei aw va na; Khizaw nata a chhôh liata a ypa zydua he, Kei eih sai a châ.

HLAZY 89:11

Vârâhzy khi nâma eih châ ta, Alei chhao he nâ eih a châ; Khizaw nata a chhôh liata a ypa zydua he, Na taopa sai a châ.

HLAZY 89:12

Maw paysa chi ta, Chho na paysa; Tabaw nata Hâmaw ta, A ly ngaitapa ta na moh ama reithai.

HLAZY 98:7

Tilaipi nata a chhôh liata a ypa zydua a aoh ei sala, Khizaw nata a chhôh liata a pahrâpazy a rôh mawh ei sy!

PUASAINA 19:5

Chavâta tahmâ pakhâta ta ei bie nathliepa ta, ei biehrai nama zyh khiahta cha, khizaw phopi zydua hry liata ei ryuto eihpa nama châ aw, khizaw zydua he kei eih châ tlôh ta.

PUASAINA 9:29

Mawsi ta a hnohta, “Khih tawhta ei puapata nahta, Abeipa lâ ei ku ei pazawh aw. Tôkalôhpa a chalih aw ta, pareih chhao tla khao aw vei. Chatanachata leilô he Abeipa eih a châ tahpa na pahno aw.

DÂNIAH 4:25

Chyhsa hry tawhtapa papuapa ta y aw chi ta, na pahrâna cha râhsazy hry liata a châ aw. Viahchao hawhta sibiepa pabâsapa châ aw chi ta, avâ diati ta padâpa na châ aw. Chônôchaipa ta chyhsa khinarâhzy chô liata ryureih ta, a pie khohpa hnohta khinarâh a pie tyh, tahpa na pahno hlâlei cha na châta daihti mia sari a khô aw.

MIKÂ 4:13

Hy Zaio sawchanô y, Thyu la, sâh tly teh; Thua ta na ki tao aw na ta, Dawh ta na chakiezy ei tao aw; Chatanachata phopi hluhpizy cha, Na pakeichheih aw ei. Ama sâhzy Abeipa lâ hlâ aw chi ta, Ama sôhzy khizaw zydua Abeipa lâ na hlâ aw.”

NÂHU 1:5

Ano hmiakô liata la, Tlâhpizy a sih ei ta, Tlâhthlôhzy ama zao khai; Ano mohmô liata la, Alei chhao he a chalyu ta, Khizaw nata a chhôh liata a ypa zydua amâ chalyu.

1 KAWRINI 10:26

“Alei he Abeipa eih châ ta, a chhôh liata hmo zydua chhao Abeipa eih a châ.”

RYHPACHANEINA 10:14

Moh tua u, avâ nata avâ a sâh chaipa nata leilô nata a chhôh liata a ypa zydua he Abeipa nama Khazohpa eih sai a châ.