HLAZY 22:6 - Mara Bible RV (BSI)

⁶ Kei deikua cha chyhsapa châ leipa na ta, Châkariepa dei châ na ta; Chyhsazy mohnaopa nata pasipasawhpa ei châ.

HLAZY 22:6 Cross References

2 THÂTIHZYRONA 14:11

Âsâ cha Abeipa a Khazohpa pado ta, “Hy Abeipa, thatlôpa ku tawhta chiehleipa a pachha thei awpa cha, nâ leipa ta ahy hmah y veih ei. Hy Abeipa eima Khazohpa y, rie miah bao mah y. Nâma a ngâchhâpa ta, na moh ta he pheisaih hluh ngaitapa he eimâ vaw dyuh. Hy Abeipa y, nâ cha eima Khazohpa châ chi ta, chyhsapa ta cha pahnie khah sy,” tah ta.

ZAWBÂ 25:6

Chyhsapa chhochhi cha alôpa deita châ ta, Chyhsa sawchapawpa chhao châkariepa deita a châ,” tah ta.

HLAZY 25:3

Nâma châ hâtuhpazy cha, Maophyuhpa ta y leipa aw ei ta, Piehpie aohraohpazy deikua cha, Maophyuhpa ta ama y aw.

HLAZY 31:1

Hy Abeipa, nâ châ chhai na ta, Maophyuhpa ta na paysa leipa la, Na siana vâta na pachha mah y!

HLAZY 31:11

Ei khakhaipazy vâta mohnaopa vaw châ ha na ta, Ei vaihzy liata mohnaopa ta y pachaipa ta, Ei hmia pahnopazy châta chhao chichhihpa châ bâ na ta, Khiliah liata nâ hmôpazy ta einâ râsai ei.

HLAZY 41:5

Ei chariahpazy ta na reipachhie ei ta, “Khati ta thi aw ta, a moh a lei aw tly?” ama tah.

HLAZY 88:8

Ei viasa phapazy ta ama pathlua awpa ta na tao chi ta, Âmo châta pasichhihpa ta eina tao ha chi. Khawhlôhpa ta y na ta, Pua thei va na.

ISAI 41:14

Nâ, Zakaw châkariepa y, Chi khah y; Nâmo, Izarei chyhsazy saih u, Chi khuh vy! Ei cha bao aw ei, Abeipa ta a tah. Châ chatlaituhpa cha, Izarei Mo Pathaihpa a châ.

ISAI 49:7

Mohnao ngaitapa nata Babylaw râh ta a pasi kawpa, Ryureituhpazy chakaotuhpa Izarei phopi hnohta, Abeipa, Izarei Chatlaituhpa ta hetana heta tah ta, Izarei Mo Pathaihpa ta hetana heta a tah: “Abeipa ngâchhihpa vâta, Châ tlyhtuhpa Izarei Mo Pathaihpa vâta, Beizy ta a cha hmô ti ei ta a duah aw ei ta, Beimachâzy na hmiakô liata amâ bôh aw.”

ISAI 53:3

Ano cha chyhsazy ta mohnaopa ta dytha ei ta, Pachârôhnazy a hneipa chyhsa châ ta, Pachâchhienazy a pahnopa a châ. Chyhsazy ta ama hmia ama nyusaipa chyhsa hawhta, Mohnaopa ta y ta; Keimo chhao ta, Ano cha pasâhsa hlei hra ma pi.

CHAPHÔHTUNA 3:30

A baih a chabaihtuhpa châta a baih dao sala, Reipachhiena ta bie mawh sy.

MATHAI 11:19

Chyhsa Sawchapawpa a vy ta, nie ta, doh ta, ‘Moh tua u, azohpa nata kresawhti parâpa, chhiekheituhpazy nata moleipazy viasa huh!’ tah heih ei ta. Châhrasala sona cha a hmotaopazy tawhta â dozie â lâ tyh,” tah ta.

MATHAI 12:24

Phârisaihzy deikua ta cha thâtih cha ama thei nahta, “He chyhsa heta ahripazy hyutuhpa Belzebu vâta ahripazy a papua theipa a châ hih,” tah ei ta.

ZAWHÂNA 7:15

Zuzy ta, “He chyhsa he, châ a chu beih tlôh leipa ta, kheihtazieta ma thaina he a hnei tly?” tah ei ta, ama noâh kaw ta.

ZAWHÂNA 7:20

Zawpi ta a chhy ei ta, “Ahripa azopa na châ he! Ahy ma thie châ chhuah?” tah ei ta.

ZAWHÂNA 8:48

Zuzy ta a chhy ei ta, a hnohta, “Samâri chyhsa châ chi ta, ahripa azopa na châ eima cha tahpa kha pado kaw ma pi ma?” tah ei ta.

HEBRAI 13:12

Cha hawhna chata Zisu chhao ta ano thisaih tlai ta chyhsazy a pathaisa thei nawpa ta, khihpi thokhy khôtho liata pasa a vaw tao.

BIEPHUAH 15:3

Khazohpa chakaotuhpa Mawsi hla nata Mietakutaw hlazy hetana heta ama sa: “Hy Atotaotheipa Abeipa Khazohpa, Na hmotaopazy rônah ta, Noâh â chhih kaw dia! Hy phopizy Beichaipa, Na lâpizy sia ta, Â do kaw dia!