HLAZY 22:16 - Mara Bible RV (BSI)

¹⁶ Izy ta na chadô ei ta, Hmoparaopa pyzy ta na dôhpa ta, Ei kupheizy ama papyu haw.

HLAZY 22:16 Cross References

HLAZY 22:1

Ei Khazohpa, ei Khazohpa, khazia eina pathlua chi? Khazia na pachha leipa ta nâ hla chi ta, Ei hrôna biezy thei leipa ta einâ hla chi tly?

HLAZY 22:20

Ei hrona he zaozi tawhta pachha la, Ei hrona sôhpa he i hmotaotheina tawhta pabohsa mah y!

HLAZY 38:11

Ei hri ohpa vâta, Ei viasa lôhkhyzy ta nâ hla ei ta, Ei heinawhzy taihta eina chahrih ei.

HLAZY 59:14

Zâlâ maihta a vaw lie ei ta, Izy hawhta ngapa ta, Khihpi ama chahlô tyh.

HLAZY 59:6

Zâlâ maihta a vaw lie ei ta, Izy hawhta ngapa ta, Khihpi ama chahlô tyh.

HLAZY 86:14

Hy Khazohpa, chyhsa a khotlâhpazy ta na thyuhnao ei ta, Chyhsa nôchhiepa sahlao ta ei hrona pahlei amâ chhuah; Ama hmia lâta nâ cha soh veih ei.

ISAI 53:5

Châhrasala ano cha, Eima moleinazy vâta hmah phaohpa ta y ta, Eima paraonazy vâta thi padôhpa ta a y; Eima thlalôh nawpa ta, Chhoreina a chô liata tlu ta, Ama chheina hreichheihpazy ta Patlâhpa ta eima y haw.

ZEREMIAH 12:6

Na unawhpa, na paw pathlazy cheingei ta, Âmo tlai ta cha dôvei ei ta; Cha chadai ei ta, A paropa ta ama cha awsao khawh. Bie pha châ chho hra ei sala, Âmo cha zo khah y.”

ZEKARIA 12:10

“Chatawhcha Dâvi pathlazy chô liata nata Zerusale liata a pahrâpazy chô liata ngiachhiena nata zawngiahna thlahpa ei hry aw. Chatanachata ama hriechheih hapa kei he na moh aw ei ta, sawchapaw matlupa mâchhie sapa hawhta keima châta mâchhiesa aw ei ta, sawchapaw uhtheipa pahleipa hawhta thata ama vâ â sâh aw.

MATHAI 26:57

Zisu patutuhpazy ta ano cha theihthai beichaipa Kaiphâ lâ a chhi ei ta, cha liata Ryhpa pachutuhpazy nata machâzy a hmaohpakhy ei ta.

MATHAI 27:35

Ama khaipâ khai nahta, nuby a daopa ta a chysiazy a rai ei ta.

MATHAI 7:6

“Izy cha hmo pathaihpa pie leipa u la, vaozy hmiakô liata nama taikuh lôsôhpazy thy hra khuh vy. Ama phei ta tly aw ei ta, ama châ liehnao pathlei aw.

MÂKA 15:24

Chatawhcha khaipâ ei ta, a chysiazy a rai ei ta, nuby a daopa ta ama to awpa chyu a la ei ta.

LUKA 23:23

Châhrasala khaipâ awpa ta ao paro ngaitapa ta khâchâ a haw ei ta. Ama ao ta Pilâ cha pahnie ha ta.

LUKA 23:33

Luh Ru Su ama tahpa Kalvari tlâh ama tlô nahta, kraws liata khaipâ ei ta. Moleipazy chhao, a chachâh lâta pakha, a chavei lâta pakha khaipâ hra ei ta.

ZAWHÂNA 19:23

Pheisaihzy ta Zisu cha ama khaipâ khai nahta, a chysiazy la ei ta, su palih ta pachhaih ei ta, pheisaih pakha ta su kha chyu a la ei ta. A viahkao rytho chhao la ei ta. Viahkao rytho cha bieh leipa, a pawhmao tawhta a chhâna taihta a sa ta sapa a châ.

ZAWHÂNA 19:34

Pheisaih pakha ta a kâ liata asei ta a chô ta, thisaih nata ti thlai vaw pua ta.

ZAWHÂNA 19:37

Biehrai bie hropa chhao ta, “Amâ chôpa cha ama moh aw,” a tah hra.

ZAWHÂNA 20:25

Pachupa hropazy ta a hnohta, “Abeipa eima hmô haw,” tah ei ta. Châhrasala ano ta ama hnohta, “A ku thua khaina hmahdawzy kha hmôpa ta, thua khaina hmahdawzy cha ei kudy ta hriapa ta, a kâ liata ei ku ei chapao ha tua leipa ta la, zo aw va na,” tah ta.

ZAWHÂNA 20:27

Thawma hnohta, “Na kudy ta vaw hria la, ei kuzy he moh tua. Na ku vaw paza la, ei kâ liata vaw chapao tua. Zo leipa ta y leipa la, zo mah y,” tah ta.

PHILIPI 3:2

Izy tawhta a vaih teh u. Hmopha leipa a taotuhpazy tawhta a vaih u la, ama sapa a taipazy tawhta a vaih teh u.

BIEPHUAH 22:15

Izy, dyuthaipazy, sihryhpazy, lianycheihpazy, nothlahpa a chhypazy nata haipa bie rei a pahâhpazy deikua cha, khihpi khôtho liata ama y aw.