HLAZY 21:5 - Mara Bible RV (BSI)

⁵ Na pachhana liata rônahna hmô ta, Palyupalihna nata abeina ta na tobi.

HLAZY 21:5 Cross References

2 SAMUELA 7:19

Hy Abeipa Zehôvâh y, chazy chhao cha nâma mohmô liata la hmo chyhpata a châ. Châ chakaotuhpa pathlazy chhichâ nawpa chhao kô hluhpi châta reih ha chi ta, Hy Abeipa Zehôvâh y, cha cha chyhsapa siezie awpa cha a châ.

1 ABEIZY 3:14

Na paw Dâvi ta ei lâpizy â chhihpa hawhta, nâ chhao ta ei lâpizy a chhihpa ta, ei bieraopazy nata ei biepiepazy na zyh khiahta cha, na hro ei pasisa aw,” tah ta.

1 THÂTIHZYRONA 17:27

Chavâta tahmâ, châ chakaotuhpa pathlazy cha chhâzaw ta na hmiakô liata ama y thei nawpa ta, âmo cha byhnâ pie mah y. Hy Abeipa, nâma tlai ta byhnâ aw ha chi ta, chhâzaw byhnâ châ mawh sy,” tah ta.

HLAZY 110:1

Abeipa ta ei Beipa hnohta, “Na chariahpazy ei phei tlyna ta ei tao hlâlei cha, Ei chachâh lâta a tyuh mah y,” tah ta.

HLAZY 133:3

Adyhna cha Hâmaw diati lyu ta, Zaio tlâhzy liata a tlapa diati tlai a lyu. Adyhna liana cha Abeipa ta byhnâ tona bie pie ta, Tlyzaw hrona bie a pie.

HLAZY 3:3

Châhrasala Hy Abeipa, Nâ cha ei vyhphao châ chi ta, Ei rônahna nata ei luh nâ chalotuhpa na châ.

HLAZY 61:7

Khazohpa hmiakô liata tlyzaw ta a bei sala, Ngâchhihna nata biehmeiseihpa cha, Ano hrôbiehtuhpa ta raopa mah y!

HLAZY 62:7

Khazohpa liata ei pachhana nata ei rônahna a pahnie ta, Khazohpa cha ei thatlôna lôpanô nata ei bohna a châ.

HLAZY 8:5

Ano cha vâmozy hlâta a chyhta a hnai viapa ta tao chi ta, Rônahna nata palyupalihna lakho na pakho.

HLAZY 96:6

A hmiakô liata rônahna nata abeina y ta, A supathaihpa liata thatlôna chhithaina a y.

ISAI 63:1

Chysia saihdôhpa ta a tobi ta, Edômâ râh Bôzrâ khihpi tawhta a vypa hao Ahy ma a châ tly? Poh rônahpa a bu ta, Thatlô ngaitapa ta hrâ a vaw siepa hao Ahy ma a châ tly? “Keima na ei châ; Siana ta bie reih na ta, Pachha awpa ta thatlôna a hneipa ei châ,” Abeipa ta a tah.

MATHAI 28:18

Zisu cha âmo lâ a vy ta, ama hnohta, “Avâ nata alei liata biehneina zydua ei hnohta piepa a châ haw.

ZAWHÂNA 17:1

Cha biezy cha Zisu ta a rei khai nahta, avâ lâ ua ta, “Ei Paw, a daihti a tlô haw, na Sawchapawpa he parônahsa mah y. Chatanachata na Sawchapawpa chhao ta a cha parônahsa aw.

ZAWHÂNA 17:22

Nâ nata kei pôhkha eima châpa hawhna heta, âmo chhao pôhkha ama châ thei hra nawpa ta, rônahna eina piepa chi kha âmo ei pie ei.

ZAWHÂNA 17:5

Hy ei Paw, khizaw y hlâta nâma liata rônahna ei hneipa khata tahmâ he na mohmô liata na parônahsa mah y.

HEBRAI 8:1

Rei eimâ chhuahpa cha he he a châ: Cha hawhpa theihthai beichaipa cha hnei pi ta, ano cha vârâh liata Beichaipa beidyuchhai chachâh lâta a tyuhpa châ ta,

1 PITY 3:22

Zisu Krista cha vârâh lâ kiah ta, Khazohpa chachâh lâta y ta, vâlyuhchâpazy, biehneinazy nata hmotaotheinazy cha ano rei sai ta y awpa ta taopa ama châ.