HLAZY 20:8 - Mara Bible RV (BSI)

⁸ Âmo cha a hluah ei ta ama pao, Keimo deikua cha thyu pi ta â ipa ta eima duah.

HLAZY 20:8 Cross References

2 ABEIZY 19:23

Na lyuhchâpazy hmâpa ta ei Zibeipa pasipasawh chi ta, ‘Ei talailih hluhpi chhaota tlâh sâhpazy kiah na ta, Lebanaw chhâna taihta ei kiah haw; A sidy tho a sâh chaipazy thlu na ta, A meisah tho pha chaipazy ei thlu haw; A riehmo a hla chaipa a ngia na ta, A râhmâh pha chaipa ei ngia haw.

2 THÂTIHZYRONA 14:10

Âsâ cha Zerâ a dyuh awpa ta kei pua ta, Mâresâ liata Zephathâ saikao liata a kei paziah ei ta.

2 THÂTIHZYRONA 14:11

Âsâ cha Abeipa a Khazohpa pado ta, “Hy Abeipa, thatlôpa ku tawhta chiehleipa a pachha thei awpa cha, nâ leipa ta ahy hmah y veih ei. Hy Abeipa eima Khazohpa y, rie miah bao mah y. Nâma a ngâchhâpa ta, na moh ta he pheisaih hluh ngaitapa he eimâ vaw dyuh. Hy Abeipa y, nâ cha eima Khazohpa châ chi ta, chyhsapa ta cha pahnie khah sy,” tah ta.

EZRÂ 8:22

“Eima Khazohpa ku cha ano a tluatuhpa zydua chô liata phana châta y tyh ta, a pathiiana hmotaotheina deikua cha, ano a heisaituhpa zydua chô liata a y tyh,” tahpa ta abei eima chho hapa vâta, lâpi liata eima chariahzy tawhta miah vaih awpa pheisaih nata arâ pheisaihzy abei lâta hia awpa ei noza kawpa vâta, kâhvileipa ta thlahchhâna cha ei phuahpa a châ.

HLAZY 124:8

Keimo baona cha Abeipa moh liata y ta, Ano cha avâ nata alei taotuhpa a châ.

HLAZY 125:1

Abeipa a ngâtuhpazy cha Zaio Tlâh pasie thei rimâ leipa, Chhâzaw ta a y thlâh hapa hawhta ama châ.

HLAZY 33:16

Abei cha a pheisaih hluh ngaitapa vâta pachhapa ta y leipa ta, Pasaipha chhao a thatlô ngaitapa vâta pachhapa ta y vei.

HLAZY 33:17

Arâ cha pachhana châta apahniehna doleipa châ ta, A thatlôna rônahpa ta pachha thei vei.

BIESOZY 21:31

Arâ cha adyuhna noh châta a mâ chiehpa ta y ta, Pahniena deikua cha Abeipa eih a châ.

HÔSIA 14:4

“Ama paosaina patlâh aw na ta, A saipa ta ama kyh ei pachâ aw; Ei hiehâhna ta a kuasai ha ei.

MIKÂ 7:8

Hy ei chariahpa y, Na palôh nâ eih khah y; Ei paopa chhao ta, Ei thyu heih aw; Zohna lia ei tyupa chhao ta, Abeipa cha ei khaihna a châ aw.

ZAWSUA 11:4

Cha beizy cha ama pheisaih zydua chhaota chyhsa hluhpi, tilaipi kiah liata sadi zie tlai ta hluhpa ta, arâzy nata talailih hluhpi chhaota pua ei ta.

RYUREITUHPAZY 5:31

“Cha hawhna chata, Hy Abeipa, Na chariahpa zydua leidia khai ei sala, Na viasazy deikua cha, Noh hawhta khaih ei sala, Thatlôpa ta thyu mawh ei sy!” Chatanachata râh cha kô sypalih chhôh thlalôhpa ta y ta.

1 SAMUELA 17:45

Dâvi ta Philistinâ chyhsa hnohta, “Nâ cha zaozi nata seipi nata seichhi zy chabapa ta naw puahnao chi ta, kei deikua la, Pheisaihzy Abeipa, Izarei pheisaihzy Khazohpa, na pahaopa moh ta ei vaw pua.