HLAZY 20:3 - Mara Bible RV (BSI)

³ Na hmohlâpazy a thei sala, Na raopa hlâna liata a ly mawh sy!

HLAZY 20:3 Cross References

ÂTHAONA 4:4

Abela chhao ta a sahroh a pataw tua chaipazy nata a thawzy hlâ hra ta. Abeipa cha Abela nata a hmohlâpa liata a ly ngaita ta,

1 THÂTIHZYRONA 21:26

Dâvi ta cha liata Abeipa châta maisâh tao ta, raopa hlânazy nata aryhna hlânazy hlâ ta. Abeipa pado ta, Abeipa ta avâ tawhta mei ta a zâ chhy ta, raopa hlâna chô liata mei za tla ta.

2 THÂTIHZYRONA 7:1

Sawlawmaw ta thlah a chhâ khaipata nahta, avâ tawhta mei za tla ta, raopa hlâna nata atheihna sazy kâ khai ta, Abeipa rônahna ta Achhyna o cha bie ha ta.

HLAZY 128:5

Abeipa ta Zaio tawhta byhnâ cha pie sala, Na hro chhôh zydua ta Zerusale phana hmô la,

HLAZY 134:3

Abeipa ta Zaio tawhta byhnâ cha awpa ei sala, Avâ nata alei taotuhpa ta byhnâ cha pie mawh ei sy!

HLAZY 51:19

Chatanachata atheihna dopazy liata a ly aw chi ta, Raopa hlânazy nata tlokhuh raopa hlânazy liata a lypa ta, Na maisâh liata viahchao tôhpazy hlâpa a châ aw.

ISAI 60:7

Kedâ mietaku zawzy nâ lâ a vaw hmaoh aw ei ta, Nebaiô mietaku tôhpazy ­ta ama cha chakao aw. Ei maisâh liata hlâ awpa châta a pyh tlâhpa châ aw ei ta, Ei o rônahpa cha ei parônahsa via rili aw.

THEIHTHAINA 9:24

Abeipa tawhta mei vaw pua ta, maisâh liata raopa hlâna nata thawzy cha vaw kâ ta. Cha cha zawpi zydua ta ama hmô nahta, thata awh ei ta, â khu lâta pao ei ta.

HMOTAOPAZY 10:4

Kawnilia ta ano cha kei moh ta, chi ngaita ta, a hnohta, “Abeipa, khâpa maw?” tah ta. Vâlyuhchâpa ta a hnohta, “Na thlahchhânazy nata na hmopiepazy avâ lâ kiah ta, Khazohpa ta a pahno thlâh haw.

EPHESI 5:2

Krista ta kyh miah pachâ ta, ropahâhpa châta Khazohpa lâta hmohlâpa ta nata atheihna ta keimo châta â piepa hawhna khata, kyhpachâna hro ta nâmo chhao hroh teh u.

1 PITY 2:5

Zisu Krista zawhzi ta Khazohpa a pyh tlâhpa thlahpa atheihna hlâtuhpa theihthai pathaihpazy châ awpa ta, alô hrohpa hawhta paduapa thlahpa o nama châ.