HLAZY 19:8 - Mara Bible RV (BSI)

⁸ Abeipa pachuna cha a do ta, Palôh a palysa; Abeipa biepiepa cha khaih ta, Mo a pavâsa.

HLAZY 19:8 Cross References

ÂTHAONA 26:5

Abarahâ ta ei ao thei ta, ei hnawpazy, ei biepiepazy, ei bieraopazy nata ei ryhpazy a zyhpa vâna khata,” tah ta.

2 ABEIZY 17:37

Bieraopazy, pachianazy, ryhpa nata biepiepa nama châta a ropazy kha chhâzaw ta nama zyh awpa a châ. Khazoh hropazy nama chi awpa châ vei.

NEHEMIAH 8:12

Ama hnohta bie phuahpazy ama pahno thaipa vâta, zawpizy cha niedo awpa nata mohropazy niedo paphao awpa nata alyna rônahpa tao awpa ta, ama o lâ chyu a di ha ei ta.

NEHEMIAH 9:13

Sinai Tlâh liata za chô chi ta, avâ tawhta âmo cha bie a chho chi ta, ryureina dopa, ryhpa dopa, bieraopa nata biepiepa phapazy na pie ei.

HLAZY 105:45

Chatanachata a bieraopazy a vao aw ei ta, A ryhpazy ama zyh lymâ aw. Abeipa cha reithai teh u!

HLAZY 111:7

A ku raihriazy ngâchhihpa nata adopa châ ta, A pachuna zydua ngâ tlâhpa a châ.

HLAZY 119:105

Na bie cha ei phei châta meiôh châ ta, Ei lâpi châta khaihna a châ.

HLAZY 119:12

Hy reithai tlâh Abeipa, Na bieraopazy na pachu mah y.

HLAZY 119:121

Âdopa nata asiapa ta tao tyh na ta, Nâ tlybaituhpazy liata na siesai khah y.

HLAZY 119:128

Chavâta na pachunazy â do khai tah na ta, Hrozie doleipa ei hao.

HLAZY 119:130

Na biezy chhopasiana ta khaihna pie ta, Nomaohpazy hnohta novâhna a pie tyh.

HLAZY 119:14

Na bieraopazy ta na palysa ta, Hneirôna zydua liata a lypa hawhta ei ly tyh.

HLAZY 119:143

Nôpona nata pachârôhna ta na tla thlu ta, Châhrasala na biepiepazy cha ei lyna a châ.

HLAZY 119:16

Na bieraopazy liata a ly aw na ta, Na bie my aw va na.

HLAZY 119:171

Na bieraopazy eina pachupa vâ chi ta, Ei hmaozy reithaina ta a khô pathlah.

HLAZY 119:24

Na bieraopazy cha ei lyna châ ta, Ryh nâ raokheituhpazy ama châ.

HLAZY 119:40

Na pachunazy ei vâ ngaita; Na siana vâta na pahro heih mah y!

HLAZY 119:54

Ei khitlyna o liana heta, Na bieraopazy cha ei hlazy ama châ tyh.

HLAZY 119:80

Maophyuhpa ta ei y lei nawpa ta, Ei palôh he na bieraopazy liata phapakipa ta y mawh sy!

HLAZY 119:92

Na ryhpa he ei lyna châ vei mawh sala, Ei pasataona liata ei leidia ha aw.

HLAZY 12:6

Abeipa biezy cha bie pathaihpa châ ta, Alei liata patina meihô liata tâkâ a thlipasohpa hawhta, Ei sari a thlipasohpa a châ.

HLAZY 13:3

Hy Abeipa ei Khazohpa, Na moh la, nâ chhy la, Ei mo pavâsa mah y; Chataleipatala, a môsao pathlei aw na ta,

HLAZY 40:8

Hy ei Khazohpa, na khopa taona liata a ly na ta, Na ryhpa cha ei palôh liata a y,” tah na ta.

HLAZY 93:5

Na bieraopazy a i ta, Hy Abeipa, pathaihna cha, Na o nata chhâzaw ta a hmiepa a châ.

PUASAINA 18:16

Biepeipa ama hnei tita, kei lâ a vykhei ei ta, kei ta ama likah bie cha pachiapa ei na ta, Khazohpa bieraopa nata a ryhpazy ei pahnosa tyh ei,” tah ta.

BIESOZY 2:6

Sona cha Abeipa piepa châ ta, A pakah tawhta pahnona nata novâhna a pua.

BIESOZY 30:5

Khazohpa bie zydua â do tahpa pasiapa châ ha ta, Ano cha a chhaituhpazy châta vyhphao a châ.

BIESOZY 6:23

Biepiepa cha meiôh châ ta, Pachuna cha khaihna châ ta, Chhoreina rana cha hrona lâpi a châ.

ISAI 64:5

Nâ cha siana a taotuhpazy A ly kawpa ta a tyh tyhpa châ chi ta, Nâ lâpi a thei thlâh hapazy a tyh tyhpa na châ. Pachâ tua, eima moleina vâta na hiehâh ta, Keimo hra cha eima moleina liata bohpi y pi ta, Kheihta ma pachhapa ta eima y thei rai aw tly?

ZEREMIAH 15:16

Na biezy hmôpa châ ta, Ei nie ha ei. Hy Abeipa, Pheisaihzy Khazohpa, Na moh a phaohpa ei châpa vâta, Na biezy cha ei châta alyna châ ta, Ei palôh thaphana a châ.

EZEKIA 36:27

Nama chhôh liata ei Thlahpa soh aw na ta, ei bieraopazy a chhih awpa nata ei biepiepazy zyh awpa ta ei cha tao aw ei.

RAWMA 3:20

Ryhpa vâta moleina pahnona vaw y ta, chavâta chyhsapa ahy hmahta hmotaopa vâta Khazohpa mohmô ta thaichâ thei aw veih ei.

RAWMA 7:22

Ei palôh ta Khazohpa ryhpa liata a ly na ta,

RAWMA 7:7

Khâpa eima reih khao aw? Ryhpa cha moleina ma? Châ bao va! Ryhpa y leipa sala, moleina ei pahno lei awpa tlai. Ryhpa ta, “Na uahva awpa châ vei,” tah leipa sala, uahvana cha khâpa ma a châ tahpa pahno aw va na.

KALATIA 2:19

Khazohpa lâta ei hroh thei nawpa ta, kei la ryhpa vâta ryhpa liata ei thi haw.

KALATIA 3:21

Cha khiahta la, ryhpa ta Khazohpa bietaizy a chakhia ma? Chakhia bao va! Hrona a pie theipa ryhpa piepa a châ khiahta cha, siana chhao cha ryhpa vâta a y thei aw.

RYHPACHANEINA 16:11

Chatanachata Abeipa nama Khazohpa ta a moh y nawpa ta â tlyhpa su liata, nama sawchapawzy, nama sawchanôzy, nama seichapawzy, nama seichanôzy, Livai chi nama yna khih liata a pahrâpazy, nama hry liata a ypa chihropazy nata paw hnei leipa nata nôhmeizy chhaota Abeipa nama Khazohpa hmiakô liata thaphapa ta nama y aw.

RYHPACHANEINA 16:14

Cha kyhchhi cha, nama sawchapawzy, nama sawchanôzy, nama seichapawzy, nama seichanôzy, Livai chi nama khih liata a ypazy, chihropazy, paw hnei leipazy nata nôhmeizy chhaota thaphapa ta nama hmâh tyh aw.