HLAZY 19:12 - Mara Bible RV (BSI)

¹² Ahy ma ano taochheipazy a pahno thei tly? Ei pahno leipa paraonazy nâ ngiahthai mah y.

HLAZY 19:12 Cross References

ZAWBÂ 6:24

“Na pachu u la, ei chalih aw, Ei tao pado leipa na pahnosa teh u.

HLAZY 139:2

Ei tyupa nata ei duapa pahno chi ta, Ei pachânazy chhao lâhlapi tawhta na pahno.

HLAZY 139:6

Cha tlu ta pahnona cha, Kei châta noâhchhihpa châ ta; A sâh tu ha ta, Ei pahnona ta a pha khao vei.

HLAZY 40:12

Paraona rei tiah leipazy ta na chadô ei ta, Ei moleinazy ta eina pha ha ei, Avâ chhao ua ngâh khao va na; Ei luh liata sâ hlâta hluh via ei ta, Ei palôh tha a panao khai haw.

HLAZY 51:2

Ei paraona tawhta liahsa na pasi la, Ei moleina tawhta na pathaisa mah y!

HLAZY 65:3

Moleina ta miah a pahnie tita, Eima paraonazy vâta chatlaina miah na taopa tyh.

HLAZY 90:8

Eima paraonazy na hmiakô liata soh chi ta, Arulâta eima moleinazy chhao, Na hmia khaihna liata na soh tyh.

PUASAINA 24:12

Abeipa ta Mawsi hnohta, “Tlâh lâ a khy la, cha liata na vaw hâ mah y. Chatanachata zawpizy na pachu awpa lôphiapa liata ryhpa nata biepiepa ei ropazy ei cha pie aw,” tah ta.

BIESOZY 13:13

Bie a mohnaopa chyhsa cha anosasyh ta raona a tao ta, Biepiepa a chizapa deikua cha lymâ a hmô aw.

ISAI 64:6

Chyhsa pathaih leipa hawhta châ khai ha pi ta, Eima siana hmotaopa zydua chhao, Chysia pua­pa hawhta a châ haw. Eima zydua ta chhohna hawhta uah pi ta, Eima paraonazy ta thlih hawhta miah a phaoh.

ZEREMIAH 17:9

Palôh he hmo zydua hlâta dôvei a thai chaipa châ ta, Pasichhih ngaitapa a châ; Ahy ma chyhsapa palôh a pahno thei aw?

1 KAWRINI 4:4

Keimasasyh a maochhie nawpa khâpa hmah pahno va na. Châhrasala cha chata thai na pachâsa hlei vei. Nâ pachiatuhpa cha Abeipa a châ.

RYHPACHANEINA 5:29

Aw, he hawhpa palôh he khâ ama phaoh tyh mawh sala, na chipa ta, ei biepiepazy zyh aw ei ta, âmo nata ama pathlazy chhâzaw ta thlaochhipa ta ama y awpa tlai!

RYHPACHANEINA 5:32

Chavâta Abeipa nama Khazohpa ta bie a cha piepa hawh ei ta pakhâta ta tao u la, chachâh lâ tlyma, chavei lâ tlyma, nama tlei awpa châ vei.

HEBRAI 9:7

Byureih chhôh chaipa lâ deikua cha, theihthai beichaipa deita ta kô kha ta ei kha a ngia tyh ta, thisaih a chei leipa ta â ngia awpa châ vei. Cha thisaih cha ano châta nata zawpizy ta pahno leipa ta ama moleinazy atheihna châta a hlâ tyh.

1 ZAWHÂNA 1:7

Khaihna liata eima y khiahta deikua cha, ano cha khaihna liata a ypa hawhta, a kao raihrie thei pi ta, a Sawchapawpa Zisu thisaih ta eima moleina zydua tawhta miah a pathaisa tyh.