HLAZY 19:11 - Mara Bible RV (BSI)

¹¹ Chazy chata châ chakaotuhpa he zikyu nâ râ chi ta, Chazy a zyhpa cha lymâ rônahpa a dao aw.

HLAZY 19:11 Cross References

2 THÂTIHZYRONA 19:10

Khihpizy liata a ypa nama chiheihzy ta thisaih palona kyh liata tlyma, ryhpa kyh liata tlyma, biepiepa kyh liata tlyma, bieraopa kyh liata tlyma, pachiana kyh liata tlyma, nama hnohta biepeipa ama vaw tlôkhei tita, Abeipa hmiakô liata thaileichâpa ta ama y lei nawpa nata nâmo nata nama chiheihzy chô liata Khazohpa pathiiana a vaw tlô lei nawpa ta, zikyu namâ râ awpa a châ. Cha hawhta tao u la, thailei châ aw veih ei chi.

HLAZY 119:103

Na biezy cha ei pakah châta a thlôh kaw dia! Kheihti hlâta ei pakah liata a thlôh via.

HLAZY 119:11

Na bie ei palôh liata a vao na ta, Chavâta na chô liata molei khao aw va na.

HLAZY 119:72

Ngôh nata tâkâ sâh hluhpi hlâta, Ei châta na pakah ryhpa bie pha via syulyu tlôh ta.

BIESOZY 11:18

Moleipa cha dôveina hmâpa ta hlao tyh ta, Siana chi a tupa deikua cha lymâ dopa a hmô tyh.

BIESOZY 24:14

Sona cha na hro châta a châ tahpa pahno la, Na hmô khiahta cha hmialâ daihti hnei chi ta, Na hnabeiseihna lei aw vei.

BIESOZY 29:18

Hmiasai y leina liata cha phopi leidia ei ta, Ryhpa a zyhpa deikua cha vânoh a to aw.

EZEKIA 3:3

Ei hnohta, “Chyhsa sawchapawpa y, châbu chatypa ei cha piepa heta na py pasa la, na rih pabie mah y,” na tah ta. Nie na ta, kheihti hawhta ei pakah liata thlôh ta.

MATHAI 3:7

Phârisaih nata Saduasi hluhpi ta bâti châ awpa ta ano lâ amâ vypa a hmô nahta, ama hnohta, “Nâmo, vâzi pathlazy saih u! Hiehâhna vaw tlô awpa a râsai awpa ta ahy ma zikyu châ râ ei?

MATHAI 6:18

Chatanachata kâhvileipa ta na ypa cha chyhsazy ta pahno leipa aw ei ta, na Paw arulâta a ypa deita ta pahno aw ta, na Paw arulâta châ hmôtuhpa ta lymâ a cha pie aw.

MATHAI 6:4

Chatanachata na hmopiepazy cha arulâta y aw ta, na Paw arulâta châ hmôtuhpa ta lymâ a cha pie aw.

MATHAI 6:6

Nâ deikua cha thlah na chhâ tita, na chhôhpadâhpa lâ a ngia la, ochhi khaw la, na Paw arulâta a ypa lâta thlahchhâ mah y. Na Paw arulâta a hmôtuhpa ta a cha pie aw.

HMOTAOPAZY 20:31

Chavâta a hrohruapa ta y u la, kô thôh chhôh tlai bâh leipa ta, chhô nah zâ ta mothlih chhaota chyhsa to zikyu ei râ tyhpa kha a thei thlâh ha teh u.

1 KAWRINI 4:14

Nama noza nawpa ta he biezy he ei ropa châ vei, ei saw kho ngaitapazy hawhta cha chhorei nawpa ei ta ei ropa a châ.

1 THYSALAWNIKA 5:14

Unawh saih u, thathipazy chhorei u la, palôh chhâpazy thapatlôpa ta, chiehleipazy bao u la, chyhsa zydua chô liata nôpha awpa ta eima châ haw.

HEBRAI 11:26

Lymâ to awpa a saipa vâta, Krista vâta reipachhiena a tyhpa cha Izi râh ryuzy hlâta ryu sôh viapa ta a rao.

ZÂMIE 1:25

Khotalaina ryhpa pakipa cha moh ta, cha hawhta hroh ta, ryhpa cha thei ta, thlai a mypa châ leipa ta, zyh ta, ryhpa hawhta a taopa chyhsa cha, a hmotaopa liata thlaochhipa ta a y aw.

2 ZAWHÂNA 1:8

Nama hria chiehpazy pahlei leipa ta, lymâ â kipa ta nama hmô thei nawpa ta, a hrohrua teh u.

BIEPHUAH 14:13

Chatawhcha avâ tawhta ao ta, “Hetana heta roh teh: Tahmâ tawhta la, Abeipa liata athipazy ama nohlao aw,” a tahpa thei na ta. Thlahpa ta, “A châ na, ama hriapasanazy a pahâsai aw ei ta, ama hmotaopazy ta a zi aw ei!” tah ta.