HLAZY 18:6 - Mara Bible RV (BSI)

⁶ Nôpopa ta Abeipa cha pado na ta, Na bao awpa ta ei Khazohpa ei aw. Achhyna o tawhta ei ao thei ta, Ei awna ao a nah liata â ngia.

HLAZY 18:6 Cross References

2 SAMUELA 22:7

Nôpopa ta Abeipa cha pado na ta, Ei Khazohpa tlai cha ei aw. Achhyna o tawhta ei ao thei ta, Ei awna ao a nah liata â ngia.

2 THÂTIHZYRONA 30:27

Theihthaipazy nata Livai pathlazy thyu ei ta, zawpizy cha byhnâ awpa ei ta. Ama ao theipa châ ta, ama thlahchhâna cha Abeipa pahrâna vârâh tlô ta.

HLAZY 11:4

Abeipa cha a Achhyna o pathaihpa liata y ta, Abeipa beidyuchhai cha avâ liata a y; A mo ta moh ta, A mokhaoh ta chyhsa sawzy a pasia tyh.

HLAZY 120:1

Ei nôpo nota Abeipa pado na ta, Ano ta einâ chhy.

HLAZY 34:15

Abeipa mo cha mosiapazy lâ a heih ta, Ama awna lâ a nah a pachôh tyh.

HLAZY 5:7

Kei deikua cha na zawngiahna hluh ngaitapa vâta, Na o liata a ngia thei aw na ta; Nâma china chôta, Na Achhyna o pathaihpa lâ a heipa ta ei bôh aw.

HLAZY 50:15

Nôpona noh liata na pado la, Cha pachha aw na ta, Chatanachata eina parôhnasa aw chi,” Abeipa ta a tah.

HLAZY 55:5

China nata achalyuna ta na patu ta, Thlazohna ta eina chanaoh.

PUASAINA 2:23

Daihti vâropi a châ tawhta, Izi bei cha thi ha ta. Izarei sawzy cha ama seichâna vâta a hrô ei ta, baotuhpa aw ei ta. Ama seichâna tawhta pachha awpa ta ama awna ao cha Khazohpa kô kaw tlô ta.

HABAKU 2:20

Abeipa cha Achhyna o pathaihpa liata pahrâ ta, Leilô zydua a hmiakô liata a chalih mawh sy!”

MÂKA 14:36

“Abâ, ei Paw, nâma châta la, ato tao theipa a châ. He nyu he kei tawhta pasie ha mah y. Châhrasala keima rei châ leipa sala, nâma rei tlao châ mawh sy,” tah ta.

HMOTAOPAZY 12:5

Chavâta Pity cha patâhna o liata paysa chypa châ ta, Awnanopa ta ano châta phahnai khoh ngaitapa ta Khazohpa lâ thlahchhâ ei ta.

BIEPHUAH 11:19

Chatawhcha avâ liata Khazohpa Achhyna o cha pahypa châ ta, Achhyna o chhôh liata a biehrai byh a vaw lâ ta. Dôhlazy vaw pathlie ta, aozy vaw pua ta, tôkalôhpazy a vaw thua ta, alo a sih ta, pareih thata a tla.