HLAZY 16:4 - Mara Bible RV (BSI)

⁴ Khazoh hropa a pazipazy cha ama vâsâhna a pôh aw; Dopa hlâna thisaih ama hlâpazy patlai leipa aw na ta, Ei hmao ta ama moh pado hra aw vei.

HLAZY 16:4 Cross References

ÂTHAONA 35:14

Zakaw ta Khazohpa ta bie â chhona su liata alô bô ta, a chô liata dopa hlâna bao ta, sathaw chhao a chô liata bao hra ta.

HLAZY 32:10

Hmoparaopa châta pachârôh nawpa hluhpi y ta, Abeipa a ngâtuhpa deikua cha zawngiahna ta a chadô aw.

HLAZY 97:7

Nothlahpa a chhypa zydua cha, Nozapa ta sopa châ ei ta; Hraoleipa nothlahpa a palaikheipazy chhao, Nozapa ta sopa ama châ. Nâmo, khazoh zydua saih u, Ano a chhy muh vy.

PUASAINA 23:13

Nama hnohta ei reipa zydua he pachâ u la, khazoh hropazy moh rai reih leipa u la, na pakah tawhta a pua rai ta pua khah sy.

ISAI 57:6

Saikao alô mihpazy hry tawhta Na khazoh ta na tao awpazy a tlyh chi ta, Chazy tlai cha nâ chhy tyh. Chazy lâta dopa hlâna patlai chi ta, Niepa hlâna na hlâ tyh. Cha hmozy chata ei palôh eina patlâh aw ma?

ISAI 65:11

“Nâmo, Abeipa siesaipa ta, Ei tlâh pathaihpa my ei chi ta, Vâphana châta tlâhkhai a chhuahdypa ta, Tovyuh châta nyu liata Kresawhti ropahâhpa a patlai tyhpazy deikua cha,

ISAI 66:3

“Âmo khopa lâpi a tlyh ei ta, Hmo pasichhihpazy taopa liata Ama hro a lypazy deikua cha, Viahchao tôhpa ta atheihna hlâ hra ei sala, Chyhsapa a thiepa hawhta châ ei ta; Mietakutaw ta atheihna hlâ hra ei sala, I rao a thliepa hawhta ama châ; Niepa hlâna hlâ hra ei sala, Vao thisaih a hlâpa hawhta châ ei ta, Atheithlâhna ropahâhpa hlâ hra ei sala, Khazoh nothlahpa a reithaipa hawhta ama châ.

ZEREMIAH 7:18

Sawzy ta tho pakhy ei ta, pawzy ta mei patih ei ta, chanôzy ta Avâ Beinô châta viahchhâ tao nawpa viahdie neih ei ta, ei hie na pahâh awpa ta, khazoh hropazy lâta dopa hlânazy ama hlâ tyh.

THEIHTHAINA 23:13

Niepa hlâna viahdie dipa sathaw pahlaopa kachu su hrawh su no hlâ pâ awpa châ ta, cha cha ropahâhpa châta Abeipa lâta mei ta raopa hmohlâpa a châ aw. Dopa hlâna châta kresawhti chhiehraôh ôh palih hlâ pâ hra awpa a châ.

ZAWNA 2:8

Hraoleipa nothlahpa a chhytuhpazy cha, Ama ngâchhihna ama pahlei tyh.

ZAWSUA 23:7

Nama hry liata a ypa phopizy a kao leipa u la, ama khazohzy moh pado khuh vy. Ama khazohzy moh ta bie a taih leipa u la, cha khazohzy cha chakao leipa u la, a chhy khuh vy.