HLAZY 16:11 - Mara Bible RV (BSI)

¹¹ Hrona lâpi na pahmôsa chi ta, Na yna liata lyna kipa y ta, Na ku chachâh lâta tlyzaw thaphana a y.

HLAZY 16:11 Cross References

HLAZY 139:24

Keima liata moleina hro a y ma moh la, Tlyzaw lâpi liata nâ chhi mah y!

HLAZY 17:15

Kei deikua la, siana ta na hmia sai aw na ta, Ei hra tita, Na hmia hmô aw na ta ei palôh a tlâh aw.

HLAZY 4:8

Thlalôhpa ta a zia aw na ta, Ei mô aw; Hy Abeipa, nâ deita he Abohpa ta nâ paysatuhpa cha na châ.

HLAZY 68:4

Khazohpa lâ hla sa u la, A moh reithai­pa ta sa teh u; Meihdo chô liata a kiahpa châta hla sa u la, A moh cha Abeipa châ ta, A hmiakô liata a lypa ta y teh u!

BIESOZY 12:28

Siana lâpi liata hrona y ta, Cha lâthlôh liata cha thina y vei.

BIESOZY 2:19

Ano a pangai hapa cha ahy hmah kua heih khao leipa ei ta, Hrona lâpizy hmô heih thei khao veih ei.

BIESOZY 4:18

Mosiapazy lâpi deikua cha khihdei khaihpa hawh châ ta, Nohchhô locho a tlô hlâlei a khaih via lymâ.

BIESOZY 5:6

Hrona lâpi kyh pachâ leipa ta, A lâthlôhzy pavia ta, Khataih lâ ma a sie tahpa pahno vei.

ISAI 2:3

Zaio tawhta ryhpa bie pua aw ta, Zerusale tawhta Abeipa bie a pua awpa vâta, Phopi hluhpi a vy aw ei ta, “A vy teh u, Abeipa Tlâh lâ khy sih la, Zakaw Khazohpa o lâ khy suh u; A lâthlôhzy miah pachu sala, A lâpizy eimâ chhih theina hâh ta,” Ama tah aw.

MATHAI 25:33

Mietakuzy cha a chachâh lâta soh aw ta, miezy deikua cha a chavei lâta a soh aw.

MATHAI 25:46

Chazy cha chhâzaw hriena lâ sie aw ei ta, mosiapazy deikua cha, chhâzaw hrona lâ ama sie aw,” tah ta.

MATHAI 5:8

“Palôh pathaihpazy ama nohlao na, Khazohpa ama hmô awpa vâta.

MATHAI 7:14

Hrona lâ siena chhikao deikua cha buah ta, a sie ru ta, cha lâta a siepa cha ama chyhta.

MÂKA 16:19

Chatanachata Abeipa Zisu cha ama hnohta bie a reih khai nahta, vârâh lâ a chhipa ta y ta, Khazohpa chachâh lâta a kaw tyuh ha ta.

HMOTAOPAZY 2:28

Hrona lâpizy na pahnosa chi ta, Na ypâna vâta alyna ta eina pabie aw chi,’ tahpa ta a vaw reih haw.

HMOTAOPAZY 7:56

“Moh teh u, vârâh a pahypa hmô na ta, Chyhsa Sawchapawpa cha Khazohpa chachâh lâta â duapa ei hmô” tah ta.

RAWMA 8:11

Athihpa hry tawhta Zisu a pathyutuhpa Thlahpa nâmo liata a y khiahta cha, athihpa hry tawhta Krista Zisu a pathyutuhpa chata, nâmo liata a ypa a Thlahpa zawhzi ta, nama pôhpa thi theipazy cha a pahro aw.

1 KAWRINI 13:12

Tahmâ cha thlalâ liata vivâh deita hmô pi ta, cha tita deikua cha hmiachhypa ta eima hmô ha aw. Tahmâ cha â ki leipa ta pahno na ta, cha tita deikua cha, Khazohpa ta eina pahno pakipa hawhna heta, â kipa ta ei pahno ha aw.

2 KAWRINI 4:17

Bohpi leipa chhôh riethei chyhta eima taopa nata pakho thei rimâ lei awpa chhâzaw rônahna eima to awpa châta miah a pachhuahpanohpa a châ.

EPHESI 3:19

Novâhna hlâta a sâh viapa Krista kyhpachâna pahno aw ei chi ta, Khazohpa pakina ta pabiepa nama châ aw.

1 PITY 1:21

Khazohpa ta Krista cha athihpa hry tawhta pathyupa ta rônahna patosa ta, Krista zawhzi ta Khazohpa ngiapâtuhpazy nama vaw châ haw. Chatanachata namâ ngiapâna nata hnabeiseihna cha Khazohpa liata a y thlâh ha aw.

1 PITY 3:22

Zisu Krista cha vârâh lâ kiah ta, Khazohpa chachâh lâta y ta, vâlyuhchâpazy, biehneinazy nata hmotaotheinazy cha ano rei sai ta y awpa ta taopa ama châ.

1 ZAWHÂNA 3:2

Kho ngaitapa saih u, Khazohpa sawzy eima châ haw. Kheihta ma eima y aw tahpa deikua a lâ mâh vei. Châhrasala ano â vaw luah tita, ano hawhta eima y aw tahpa eima pahno. Ano cha a châna ualua ta eima hmô aw.

ZUDÂH 1:24

Tahmâ he nama pao lei nawpa ta châ hrôbieh theipa ei nata a rônahna hmiakô liata seina hnei leipa ta, a ly ngaitapa ta châ soh theipa ei,

BIEPHUAH 22:5

Zâ y khao leipa aw ta, meiôh khaihpa nata noh khaihpa a ngiah khao aw veih ei. Abeipa Khazohpa cha ama khaihpa châ aw ta, chhâzaw nata tlyzaw ta ryu ama reih aw.