HLAZY 150:3 - Mara Bible RV (BSI)

³ Chiahmie pyu ta ano cha reithai u la, Tlaipih nata totâ ta ano cha reithai teh u!

HLAZY 150:3 Cross References

2 SAMUELA 6:15

Dâvi nata Izarei saw zydua ta rahaona chôta nata chiahmie tôna chôta Abeipa Byh cha kaw tlôkhei ei ta.

2 SAMUELA 6:5

Dâvi nata Izarei saw zydua cha totâzy, tlaipihzy, khoh chyhpazy, sakizy nata paotlâzy tôpa ta hla sa ei ta, Abeipa hmiakô liata a ly ngaitapa ta y ei ta.

1 THÂTIHZYRONA 15:20

Zekariah, Azie, Semiramô, Zehie, Uni, Eliabâ, Mâsei nata Benai zy cha Alamô siezie hawhta tlaipih tô awpa ta raopa ama châ.

1 THÂTIHZYRONA 15:24

Theihthaipa sahlao, Sebaniah, Zehôsaphâ, Nethane, Amasai, Zekariah, Benai nata Elieze zy cha Kha­zohpa Byh hmiakô liata chiahmie tôtuhpazy ama châ. Obededô nata Zehiah cha Byh châta chhikao vaituhpazy ama châ.

1 THÂTIHZYRONA 15:28

Izarei saw zydua ta mietaku tôhpa ki, chiahmie nata paotlâ pyuzy chhaota thata rahaona chôta nata tlaipihzy nata totâzy a paro ngaitapa ta tôpa ta, Abeipa Biehrai Byh cha ama khykhei haw.

1 THÂTIHZYRONA 16:42

Hemâ nata Zeduthu cha pyungiapa châta chiahmiezy nata paotlâzy hnei ei ta, Khazohpa hla sa nawpa ta chhaichhizy ama hnei. Chhikao vaituhpazy châta Zeduthu sawchapawzy rao­pa ama châ.

1 THÂTIHZYRONA 25:1

Dâvi nata pheisaih hyutuhpazy ta Asâpha, Hemâ nata Zeduthu pathlazy cha totâzy, tlaipihzy, paotlâzy tô ta, hrohsona hlazy sa awpa ta panano ei ta. Hezy he pyungiapa chakaona rai a hriapazy ama châ:

2 THÂTIHZYRONA 20:28

Tlaipih nata totâ nata chiahmie pyuzy chhaota Zerusale liata Abeipa o kei tlô ei ta.

2 THÂTIHZYRONA 5:13

Chiahmie tôtuhpazy nata hlasatuhpazy cha â raohpa ta, ao kha hawhta ao papuapa ta, Abeipa reithaipa ta alyna hla sa ei ta. Hla a vaw puapa nahta, chiahmie pyu, paotlâ pyu nata pyungiapa chhaichhi pyu hropazy vaw pua ta, “Ano cha pha ta, A zawngiahna cha chhâzaw ta a y aw,” tahpa ta Abeipa ama reithai nahta, Abeipa o cha meihdo ta vaw bi ha ta;

HLAZY 108:2

Hy totâ nata tlaipih y, a hra teh u! Kei ta khihdeipa ei pahra aw!

HLAZY 149:3

Lâpa ta a moh reithai ei sala, Khoh nata totâ chhaota ano reithaipa ta sa mawh ei sy!

HLAZY 33:2

Tlaipih ta Abeipa cha reithai u la, Totâ ri hrawhpa ta ano lâ hla sa teh u!

HLAZY 92:3

Totâ ri hrawhpa ta cha reithai na ta, Tlaipih nata ao ngiapa ta ei cha reithai tyh.

DÂNIAH 3:5

chiahmie zy, ramo zy, totâ zy, tlaipih zy, totâ laipa zy, bâzâ zy nata paropasyupa chi to pyu nama theipa nahta, âkhu lâta pao aw ei chi ta, Bei Nebukaneza paduapa ngôh nothlahpa he a chhy awpa ta biepiepa nama châ.

MALUHREINA 10:10

Nama thaphana noh liata zy, nama kyhchhi daihti raopa liata zy, nama thla thiehpa liata zy, nama raopa hlâna nata nama aryhna hlâna atheihna liata zy chiahmie nama tô awpa a châ. Hezy he nâmo châta nama Khazohpa hmiakô liata atheithlâhna châta a châ aw: Kei he Abeipa nama Khazohpa ei châ.”