HLAZY 149:4 - Mara Bible RV (BSI)

⁴ Abeipa cha a phopi chô liata a palôh tlâh ta, Areisipazy cha pachhana ta a palyupalih ei.

HLAZY 149:4 Cross References

HLAZY 117:2

A zawngiahna eima chô liata thata palâsa ta, Abeipa ngâchhihna cha tlyzaw ta a y thlâh haw. Abeipa cha reithai teh u!

HLAZY 132:16

A theihthaipazy pachhana ta tobi aw ei na ta, A mopathaihpazy thaphapa ta ama rahao aw.

HLAZY 147:11

Abeipa cha ano a chituhpazy vâta a palôh tlâh ta, A kyhpachâna hnabeiseihtuhpazy vâta a palôh a tlâh tyh.

HLAZY 22:8

“Ano cha Abeipa ngâ tlôh ta, Ano ta pachha sala; Ano liata a ly tlôh ta, Ano ta bao mawh sy,” ama tah.

HLAZY 35:27

Ei thaichâna nâ lykheituhpazy cha, Thaphapa ta awh ei sala, “Abeipa cha rônah ta, Ano a chakaotuhpazy hlaotlohna ama to tita, A ly kaw tyhpa a châ,” tahpa ta, Thaphapa ta khâ awh mawh ei sy.

HLAZY 90:17

Abeipa eima Khazohpa khokheina eima chô liata y sala, Eima ku raihria eima chô liata pa-i mawh sy. A châ na, eima ku raihria pa-i mah y.

BIESOZY 11:20

Palôh akopazy cha Abeipa châta pasichhihpa châ ei ta, Seina hnei leipazy hrozie deikua cha â lyna a châ tyh.

HLAZY HLA 1:11

Ngôh pachhih cha taopa aw pi ta, Tâkâ pataih pâpa pachhih eima cha taopa aw.

ISAI 61:10

Myuhneituhpa ta theihthaipa hawhta a luh a tobi ta, Myuh ta lôsôhpazy ta â tobipa hawhta; Abeipa ta pachhana chysiazy ta na tobi ta, Siana poh eina pabu; Chavâta Abeipa liata thapha ngaitapa ta y aw na ta, Ei Khazohpa liata ei hro â ly ngaita aw.

ZEREMIAH 32:41

Ama phana taopa cha ei lyna châ aw ta, ei palôh nata ei hro zydua ta he râh liata ngâchhihpa ta ei loh aw ei.

ZEPHANIA 3:17

Abeipa na Khazohpa cha na hnohta y ta, Khazoh thatlôpa ta a cha pachha aw. Na chô liata a thapha aw ta, A palôh a tlâh aw; A kyhpachâna ta thlah cha palôh aw ta, Na chô liata â lyna hla a sa aw.’

HEBRAI 12:10

Lei liata eima pawzy ta daihti chyuta chhôh, pha ama tahzie hawhta miah chhorei ei ta, Abeipa deikua cha, eima pha nawpa ta tlao miah a chhorei tyh. Chatanachata a pathaihna eimâ hly thei aw.

1 PITY 3:4

chhôh lâta atobina, chhithaina a tleih beih leipa, nônaina nata achalihna palôh ta tlao a tobipa châ mawh sy. Cha cha Khazohpa mohmô ta a sôh ngaita.

1 PITY 5:5

Cha hawhna chata nâmo, hawti viapazy saih u, uhthei viapazy liata a ngiarih teh u. Nama zydua ta areisina chysia ta a tobi u la, a chakao raihrie teh u. “Khazohpa ta apalaipazy a dyuh ta, areisipazy deikua cha a ngiachhie tyh.”

BIEPHUAH 7:14

Kei ta a hnohta, “Pâpuh, pahno va na, nâ ta tlao na pahno,” tah na ta. Ano ta ei hnohta, “Hezy he rietheipasana ru ngaitapa tawhta a vaw puapazy ama châ hih. Ama pohzy Mietakutaw thisaih ta pasupa ta ama padiehsa haw.