HLAZY 148:1 - Mara Bible RV (BSI)

¹ Abeipa cha reithai teh u! Vârâh tawhta Abeipa cha reithai u la, Vâ chô sâhpa liata ano cha reithai teh u!

HLAZY 148:1 Cross References

HLAZY 103:22

A hmotaopa zydua ta Abeipa cha reithai u la, A ryureina su zydua ta Abeipa cha reithai teh u! Hy ei thlahpa, Abeipa cha reithai mah y!

HLAZY 146:1

Abeipa cha reithai teh u! Hy ei thlahpa, Abeipa cha reithai mah y!

HLAZY 69:34

Avâ nata alei ta ano cha reithai sala, Tilaipizy nata a chhôh liata a pie theipa zydua ta, Ano cha reithai mawh ei sy.

HLAZY 89:5

Hy Abeipa, avâzy ta na hmonoâhpazy reithai ei sala, Mopathaihpazy pakhypi liata na ngâchhihna reithai mawh ei sy!

ISAI 49:13

Hy avâzy saih u, thaphapa ta hla sa u la, Hy leilô y, a lypa ta y mah y. Hy tlâhpizy saih u, Lyna hla paryh teh u! Abeipa ta a phopi thlah palôh ha ta, A chyhsa pasa a taopazy a ngiachhie aw ei.

MATHAI 21:9

A hmia lâta a siepa nata a hnôh lâta a pazipa zawpizy ta, “Dâvi Sawchapawpa hnohta Haozanâ! Abeipa moh ta a vypa cha reithaipa ta y mawh sy! Chônôchaipa liata Haozanâ y mawh sy!” tahpa ta awh ei ta.