HLAZY 146:6 - Mara Bible RV (BSI)

⁶ Abeipa cha avâ nata alei taotuhpa châ ta, Tilaipi nata a chhôh liata a ypa zydua a taotuhpa chhao châ ta, Tlyzaw ta biehmeiseihpa a vao thlâhpa a châ.

HLAZY 146:6 Cross References

ÂTHAONA 1:1

Âthaona liata Khazohpa ta alei nata avâ tao ta.

HLAZY 100:5

Abeipa cha pha ta, A kyhpachâna cha chhâzaw châta a daih ta, A ngâchhihna chhâ zydua taihta â daih.

HLAZY 115:15

Lei nata vâ taotuhpa Abeipa ta, Byhnâ cha pie mawh sy!

HLAZY 117:2

A zawngiahna eima chô liata thata palâsa ta, Abeipa ngâchhihna cha tlyzaw ta a y thlâh haw. Abeipa cha reithai teh u!

HLAZY 33:6

Abeipa bie ta avâzy khi taopa châ ta, A pakah hu ta avâ liata a ypa zydua khi taopa a châ.

HLAZY 89:2

“Na kyhpachâna tleih beih leipa cha, Chhâzaw ta a duah aw ta, Avâzy liata na ngâchhihna na pa-i aw,” tah na ta.

HLAZY 89:33

Châhrasala ei kyhpachâna tleih beih leipa cha, Ano tawhta la leipa aw na ta; Ei ngâchhihna ama chô liata tleih beih aw vei.

HLAZY 95:5

Ano taopa a châpa vâta, Tilaipi chhao ano eih châ ta; Alei hipa chhao, A ku ta a taopa a châ.

HLAZY 98:3

A kyhpachâna tleih beih leipa nata a ngâchhihna cha, Izarei phopi châta a thei thlâh ha ta; Eima Khazohpa pachhana cha, Khizaw kaokih zydua ta ama hmô haw.

PUASAINA 20:11

Noh charu chhôh ta Abeipa ta avâ nata alei, tilaipi nata a chhôh liata a ypa zydua tao ta, noh sarina noh cha â pahâpa vâta, Abeipa ta Pahânoh cha byhnâ pie ta a pathaisa.

ZEREMIAH 32:17

Hy Abeipa Zehôvâh, avâ nata alei he, nâma tlai ta na hmotaotheina rônahpa nata na bâh pazawhpa ta, na taopazy a châ hih! Nâma châta la hmo ru tupa y vei.

DÂNIAH 9:4

Abeipa ei Khazohpa lâ thlahchhâ na ta, a phuah na ta, a hnohta, “Hy Abeipa, Khazoh rônahpa nata noâhchhihpa, ano kyhpachâ ta, a biepiepazy a zyhtuhpa hnohta a bietai patlôsa ta phana a palâsa tyhpa y,

MIKÂ 7:20

Miah pathlatuhpazy hnohta Hlâno tawhta bie nâ vaw taih hapa hawhta, Zakaw chô liata ngâchhihna palâsa aw chi ta, Abarahâ chô liata kyhpachâna tleih beih leipa na palâsa aw.

ZAWHÂNA 1:3

Ato zydua ano hmâpa ta taopa châ ta, hmotaopa zydua ano a hlao leipa ta khâpa hmah taopa y vei.

ZAWHÂNA 10:34

Zisu ta âmo cha a chhy ta, “Nama ryhpa châbu liata, ‘Khazohzy nama châ ei cha tah ei,’ tahpa ropa châ vei mâ?

HMOTAOPAZY 14:15

“Pupa saih u, he hmozy he khazia nama tao? Keimo he nâmo nôchâ hawhpa a phaohpa chyhsapa eima châ hra. He hmo khâpa hraoleipazy he a heihsaipa ta, avâ nata alei nata tilaipi nata a chhôh liata a ypa zydua a taotuhpa Khazoh hrohpa lâ a heih awpa ta, nama hnohta thâtihpha eima vaw tlôkhei.

RYHPACHANEINA 7:9

Chavâta Abeipa nama Khazohpa cha Khazohpa a châ tahpa pahno teh u. Ano cha Khazohpa ngâchhihpa châ ta, ano kyhpachâ ta a biepiepa a zyhtuhpazy chô liata a biehrai nata a zawngiahna chhâ sâh kha taihta a paysapa a châ.

KAOLAOSÂ 1:16

Ano ta ato tao ta, avâ liata a ypazy, alei liata a ypazy, hmô theipazy, hmô thei leipazy, beidyuchhaizy, biehneinazy, ryureituhpazy nata biehneituhpazy a tao. Ato ano vâta taopa châ ta, ano châta taopa a châ.

TITU 1:2

Haipa bie a reih beih leipa nata khizaw y hlâ tawhta chhâzaw hrona bie a vaw taih hapa Khazohpa a ngiapâtuhpa ei châ.

HEBRAI 6:18

Chatanachata hmo anano beih leipa miano vâta, haipa bie rei awpa cha Khazohpa châta hmo thei leipa châ ta, a boh awpa ta ano lâ a râpazy pi heta eima hmiakô liata hnabeiseihna sopa cha thlalôhpa ta eima hnei thei aw.

BIEPHUAH 14:7

Ano chata ao paro ngaitapa ta, “Khazohpa chi u la, ano cha palyupalih teh u, a pachiana daihti a vaw tlô haw. Avâ nata alei, tilaipi nata tihnawh a taotuhpa cha a chhy teh u,” tah ta.