HLAZY 145:6 - Mara Bible RV (BSI)

⁶ Na hmotaopa thatlôzie nata rarôh yzie reih aw ei ta, Kei chhao ta na rônahzie ei phuah aw.

HLAZY 145:6 Cross References

1 THÂTIHZYRONA 29:11

Hy Abeipa y, rônahna zy, hmotaotheina zy, palyupalihna zy, pahniena zy, abeina zy na eih châ ta, avâzy nata alei liata a ypa zydua chhao na eih a châ. Hy Abeipa, khinarâh cha na eih châ ta, ato chô lâta a to luh châta cheihchalopa na châ.

EZRÂ 1:2

“Persia bei Kôresâ ta hetana heta a tah: Abeipa, avâ Khazohpa ta khizaw khinarâh zydua na pie ha ta, Zudâh râh Zerusale khihpi liata ano châta o sapa awpa ta bi eina pie.

HLAZY 113:3

Noh chhina tawhta noh tlana taihta, Abeipa moh cha reithaipa ta y mawh sy!

HLAZY 22:27

Khizaw kaokih zydua ta a thei aw ei ta, Abeipa lâ amâ heih aw; Râh to liata chi tozy a hmiakô liata amâ bôh aw.

HLAZY 22:31

A vy aw ei ta, Phopi a pih mâh leipa hnohta A siana thâtih phuah aw ei ta, A patlô haw tahpa ta ama chho aw.

HLAZY 66:3

Khazohpa hnohta, “Na hmotaopazy noâh a chhih ta, Na hmotaotheina a rônah kaw dia! Chavâta na chariahpazy a bôhpa ta nâ lâ amâ vy.

ZEREMIAH 50:28

“Abeipa eima Khazohpa phuh lana kyh Zaio liata phuahpa ta, Achhyna o phuh lana kyh phuah awpa ta, Babylaw râh tawhta a vaw râpazy ao nathlie u la, Riahnyupazy ao nathlie teh u.

HABAKU 2:14

Tilaipi cha tizy ta a biepa hawhta, Leilô he Abeipa rônahna pahnona ta a bie aw.

RYHPACHANEINA 32:3

Abeipa moh ei phuah aw, Eima Khazohpa cha rônahna patosa teh u!