HLAZY 145:21 - Mara Bible RV (BSI)

²¹ Ei pakah ta Abeipa reithaina bie a reih tyh aw; Chyhsa zydua ta a moh pathaihpa cha, Chhâzaw nata tlyzaw ta reithai mawh ei sy.

HLAZY 145:21 Cross References

HLAZY 103:22

A hmotaopa zydua ta Abeipa cha reithai u la, A ryureina su zydua ta Abeipa cha reithai teh u! Hy ei thlahpa, Abeipa cha reithai mah y!

HLAZY 145:5

Nâ beina rônahzie nata ngiazie reih aw na ta, Na hmotao noâhpazy ei reih tyh aw.

HLAZY 150:6

Husona a hneipa to ta Abeipa cha reithai mawh sy! Abeipa cha reithai teh u!

HLAZY 30:12

Ei hrona tlokhuh ta na reithaina hla sa aw na ta, A chalih aw va na; Hy Abeipa ei Khazohpa, Tlyzaw ta alyna bie ei cha hlâ aw.

HLAZY 51:15

Hy Abeipa, ei hmaozy pahy la, Ei pakah ta na reithaina a phuah aw.

HLAZY 65:2

Hy thlahchhâna a theituhpa y, Chyhsapa zydua nâ lâ amâ vy aw.

HLAZY 69:35

Khazohpa ta Zaio cha pachha aw ta, Zudâh khihpizy a padua aw; Cha liata a chyhsazy pahrâ aw ei ta, Râh cha ama hnei aw.

HLAZY 71:15

Ei pakah ta na siana bie chho aw ta, Na pachhana bie noh y ta a chho aw, A chhozie awpa ei pahno thai leipa chhao ta.

HLAZY 71:8

Ei pakah he nâma reithaina ta bie ta, Nâma palyupalihna ta noh y ta a bie.

HLAZY 86:9

Hy Abeipa, phopi na taopa zydua a vy aw ei ta, Na hmiakô liata a bôhpa ta, Na moh ama palyupalih aw.

HLAZY 89:1

Abeipa kyhpachâna tleih beih leipa cha, Chhâzaw ta hla ta sa aw na ta; Na ngâchhihna cha, Chhâ zydua liata ei pakah ta ei pahnosa aw.