HLAZY 145:10 - Mara Bible RV (BSI)

¹⁰ Hy Abeipa, na hmotaopa zydua ta alyna bie cha hlâ aw ei ta, Na mopathaihpa zydua ta ama cha reithai aw.

HLAZY 145:10 Cross References

HLAZY 103:22

A hmotaopa zydua ta Abeipa cha reithai u la, A ryureina su zydua ta Abeipa cha reithai teh u! Hy ei thlahpa, Abeipa cha reithai mah y!

HLAZY 104:24

Hy Abeipa, na hmotaopazy a hluh kaw dia! So kawpa ta na taopa sai châ ei ta, Leilô he na hmotaopazy ta a bie.

HLAZY 149:5

Mopathaihpazy cha rônahna liata a ly ei sala, Ama rakhôzy chô liata thaphapa ta hla sa mawh ei sy.

HLAZY 19:1

Avâzy khita Khazohpa rônahna phuah ei ta, Vâruapa khita a kuzôthaina a palâsa.

HLAZY 22:23

Abeipa a chipazy saih u, ano cha reithai teh u! Zakaw pathla zydua saih u, ano palyupalih u la, Izarei pathla zydua saih u, ano cha chi teh u!

HLAZY 30:4

Hy a mopathaihpazy saih u, Abeipa reithaipa ta sa u la; A moh pathaihpa lâ alyna bie hlâ teh u.

HLAZY 30:5

A hiehâhna cha buakha châ deita châ ta, A khokheina deikua cha hro chhôh châta a châ. Zâ chhôh ta chana y hra sala, My ta alyna a vaw tlô tyh.

HLAZY 32:11

Hy mosiapazy saih u, Abeipa liata a lypa nata thaphapa ta y u la, Hy nâmo, palôh dopazy saih u, Thaphapa ta rahao teh u!

HLAZY 57:9

Hy Abeipa, phopizy hry liata alyna bie cha hlâ aw na ta, Râhzy hry liata na reithaina hla ei sa aw.

HLAZY 68:26

“Khazohpa cha pakhypi rônahpa liata reithai u la, Izarei tihnawh saih u, Abeipa cha reithai teh u,” ama tah.

HLAZY 69:35

Khazohpa ta Zaio cha pachha aw ta, Zudâh khihpizy a padua aw; Cha liata a chyhsazy pahrâ aw ei ta, Râh cha ama hnei aw.

HLAZY 97:12

Hy mosiapazy saih u, Abeipa liata a ly u la, A moh pathaihpa reithai teh u.

ISAI 44:23

Abeipa ta chatlaina tao ha ta, Chavâta, Hy avâzy saih u, hla sa u la, Hy alei su a thupazy saih u, awh teh u. Hy tlâhpizy saih u, hla paryh u la, Hy râhmâhpa nata a chhôh liata tho to saih u, hla paryh teh u! Abeipa ta Zakaw cha chatlai ha ta, A rônahna Izarei liata a paluahsa haw.

HEBRAI 13:15

Chatanachata ano zawhzi ta reithaina atheihna cha Khazohpa hnohta khâ hlâ suh vy. Cha cha a moh achâhkheina hmaozy theilâpa a châ.

1 PITY 2:5

Zisu Krista zawhzi ta Khazohpa a pyh tlâhpa thlahpa atheihna hlâtuhpa theihthai pathaihpazy châ awpa ta, alô hrohpa hawhta paduapa thlahpa o nama châ.

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.