HLAZY 143:8 - Mara Bible RV (BSI)

⁸ Nâ ei cha ngâpa vâta, Na kyhpachâna tleih beih leipa kyh cha, My ta na patheisa tyh mah y. Nâ lâta ei thlahpa a chaluahpa ei châpa vâta, Ei sie nawpa lâpi na pahnosa tyh mah y.

HLAZY 143:8 Cross References

HLAZY 119:34

Novâhna na pie mah y; Chatanachata na ryhpa zyh aw na ta, Ei palôh tlokhuh ta ei zyh aw.

HLAZY 119:73

Na ku ta na tao chi ta, Eina padua chi; Na biepiepazy ei chu thei nawpa ta, Novâhna na pie mah y.

HLAZY 143:10

Ei Khazohpa na châpa vâta, Na khopa tao awpa ta na pachu mah y! Na Thlahpa phapa ta, Lâpi patlâpa liata nâ chhi mawh sy!

HLAZY 25:20

Ei hrona he vaih la, Na pachha mah y; Maophyuhpa ta na paysa khah y, Nâma châ chhaipa ei châ hih.

HLAZY 27:11

Hy Abeipa, ei chariahpazy vâna heta, Na lâpi na pachu la, Lâthlôh a raihpa liata nâ chhi mah y.

HLAZY 30:5

A hiehâhna cha buakha châ deita châ ta, A khokheina deikua cha hro chhôh châta a châ. Zâ chhôh ta chana y hra sala, My ta alyna a vaw tlô tyh.

HLAZY 32:8

“Na sie nawpa lâpi chhopa ta cha pachu aw na ta, Ei mo ta cha tawpâpa ta ryh ei cha raopa aw.

HLAZY 42:8

Nohchhô ta Abeipa ta, A kyhpachâna tleih beih leipa cha biepie ta, Zâ ta a hla ta na ypâ ta, Cha cha ei hrona Khazohpa lâta ei thlahchhâna a châ.

HLAZY 46:5

Khihpi liah liata Khazohpa pahrâ ta, Khihpi cha a chalyu aw vei; My khihdei tita Khazohpa ta a bao tyh aw.

HLAZY 5:8

Hy Abeipa, ei chariahpazy vâta na siana liata nâ chhi la, Ei hmiakô liata na lâpi patlâsa mah y.

HLAZY 59:16

Kei deikua cha na thatlôna hla sa aw na ta, Na kyhpachâna tleih beih leipa kyh Mydi ta a paropa ta ei sa tyh aw. Nâ cha ei thokhy châ chi ta, Ei nôpona noh ta ei chhaipa na châ.

HLAZY 86:4

Hy Abeipa, nâ lâta ei hro kaw chaluah na ta, Châ chakaotuhpa hro he palysa mah y!

HLAZY 90:14

Na kyhpachâna tleih beih leipa ta, My chareih lôhrâ miah patlô la; Chatanachata eima hro chhôh noh zydua liata, Alypa nata thaphapa ta eima y lymâ aw.

ISAI 30:21

Chachâh lâ tlyma, chavei lâ tlyma, namâ heih nahta, nama nahzy ta, “He he lâpi a châ hih, he lâpi he a chhih teh u,” tahpa ta, nama hnôh lâ tawhta bie a vaw puapa nama thei aw.

ISAI 48:17

Abeipa ta hetana heta reih ta, Nâmo châ Chatlaituhpa, Izarei Mo Pathaihpa ta hetana heta a tah: “Kei he Abeipa na Khazohpa châ na ta, Na pha nawpa ta cha pachu na ta, Na sie nawpa lâpi liata châ chhihthatuhpa ei châ.

CHAPHÔHTUNA 3:41

Eima palôh nata eima kuzy chaluah sih la, Avâ Khazohpa lâ chaluah suh u:

HÔSIA 6:3

Abeipa pahnona chadai sih la, Ano cha pahno lymâ suh u; Khihdei awpa a siapa hawhta, Ano chhao â vaw luah tlai aw. Vâsua hawhta keimo lâ a vy aw ta, Châhvâ vâsua ta chhaohlei a padâpa hawhta â vy aw.”

RYUREITUHPAZY 13:12

Manôah ta, “Na biereipazy kha a vaw tlô tita, hawti hrozie awpa cha kheihta châ aw ta, khâpa rai ma a hria aw?” tah ta.

1 SAMUELA 23:12

Dâvi ta, “Keilâ khihsawzy ta kei nata ei chyhsazy he Sawla ku liata miah ama hlâ aw ma?” tah ta. Abeipa ta, “Ama cha hlâ aw,” tah ta.