HLAZY 142:7 - Mara Bible RV (BSI)

⁷ Na moh ei reithai thei nawpa ta, Patâhna o tawhta na papua mah y! Ei chô liata phana hluhpi na tao awpa vâta, Mosiapazy ta eina chadô aw ei.

HLAZY 142:7 Cross References

HLAZY 116:7

Hy ei thlahpa, nâ pahâna lâ kua heih mah y, Abeipa ta na chô liata a pha ngaitapa ta a tao ha hih.

HLAZY 119:17

Na bie zyhpa ta ei hroh thei nawpa ta, Châ chakaotuhpa chô liata a phapa ta tao mah y.

HLAZY 119:74

Na bie liata hnabeiseihna ei hneipa vâta, Nâma châ chituhpazy ta na hmô aw ei ta amâ ly aw.

HLAZY 13:6

Abeipa cha ei chô liata a pha ngaitapa vâta, Ano lâ hla ei sa aw.

HLAZY 142:1

Ei ao ta Abeipa pado na ta, Ei ao ta Abeipa lâ ngiachhiena ei hiah tyh.

HLAZY 143:11

Hy Abeipa, na moh vâta, Ei hrona he pabohsa la; Na siana vâta ei thlahpa he, Nôpona tawhta papua mah y!

HLAZY 143:9

Hy Abeipa, ei chariahpazy tawhta na pachha mah y, Châ chhai awpa ta nâ lâ ei vaw râ hih!

HLAZY 146:7

Tlybaipazy châta adona a duakheituhpa châ ta, Nodipazy nie awpa a pietuhpa a châ. Abeipa cha atâhpazy papua ta,

HLAZY 31:8

Ei chariahpa ku liata na hlâ leipa chi ta, Ei pheizy su kawhpa liata na paduasa.

HLAZY 34:2

Ei hro ta Abeipa a palaikhei ta, Areisipa ta thei sala a ly mawh sy.

HLAZY 38:20

Âmo chata phana cha chhiena ta na thô ei ta, Phana ei khohpa vâta eina leih ei.

HLAZY 9:14

Chatanachata nâma reithaina phuah aw na ta, Zaio sawchanô chhikaozy liata, Na pachhana ei ly aw.

HLAZY 9:3

Ei chariahpazy ama kua nahta, Na mohmô liata a chapia ei ta ama leidia tyh.

ISAI 61:1

Dyhchhiepazy hnohta thâtihpha chho awpa ta, Abeipa ta sathaw eina thupa vâta, Abeipa Zehôvâh Thlahpa cha ei chô liata a y. Palôh keichheihpazy patlâh awpa ta na tuah ta, Seizy hnohta puana bie phuah awpa ta eina tuah. Mochaopazy mopavâna bie phuah awpa ta na tuah ta, Atâhpazy puana bie phuah awpa ta eina tuah.

HMOTAOPAZY 2:24

Châhrasala ano cha thina ta patu thei vei. Khazohpa ta thina pasa taonazy cha pathlâpa ta, a pathyu haw.

ZÂMIE 5:11

Pachâ teh u, pasataotuhpazy cha nohlaopa tah pi ta, Zawbâ palôh pasizie kha thei ei chi ta, Abeipa hmochhuahpa chhao hmô ei chi ta, Abeipa cha ngiachhietuhpa nata zawngiahtuhpa a châpa nama hmô haw.