HLAZY 141:5 - Mara Bible RV (BSI)

⁵ Mosiapa ta cha na tu mawh sy, Cha cha eina khokheipa vâta a châ; Na chhorei mawh sy, Ei luh châta sathaw châ ta, Ei luh ta dytha khah sy. Chatanachôta hmo moleipa ama taopazy a dyuh na ta, Thlah ei chhâ lymâ.

HLAZY 141:5 Cross References

2 THÂTIHZYRONA 25:16

Hrohsopa ta bie a rei hai nota, abei ta a hnohta, “Abei ryhraokheituhpa ta eima cha tao ma? A chalih teh! Khazia na thi aw,” tah ta. Hrohsopa ta, “He hmo he tao chi ta, ei ryhraokheina nâ pyh leipa vâta, Khazohpa ta pahleipadia a châ chhuah haw tahpa ei pahno,” tah ta, chatawhcha a chalih ha ta.

HLAZY 125:4

Hy Abeipa, chyhsa phapazy hnohta hmo phapa tao la, Palôh dopazy hnohta hmo phapa tao mah y!

HLAZY 23:5

Ei khakhaipazy mohmô ta, Ei hmiakô liata tlâhkhai nâ chhuahdy chi ta, Ei luh he sathaw thu chi ta, Ei nyu chhao a khô pathlah.

HLAZY 51:18

Nâ lynazie hawhta Zaio chô liata hmopha tao la, Zerusale thokhyzy padua mah y.

BIESOZY 12:1

Chhoreina a pasôpa cha pahnona a pasôpa châ ta, Rana a haopa deikua cha râhsa hawhpa a châ.

BIESOZY 15:22

Ryhraona phapa a y leina liata cha achhuahnazy a hlaotloh thei leipa ta, Pasopakâtuhpa ama hluhna liata deikua cha achhuahnazy a hlaotloh tyh.

BIESOZY 15:5

Ahrupa cha a paw pachuna mohnao ta, Asopa deikua cha a paw rana a uasa tyh.

BIESOZY 19:25

Chyhsa a pasipasawhpa cha tu la, Sona a phahlapa ta sona a chu aw ta; Chyhsa sovâhpa cha chhorei la, A pahnona a pôh aw.

BIESOZY 25:12

Ngôh rahy nata ngôh suapa atobina kho â chhihpa hawhta, Chyhsa sopa chhoreina chhao, Reingiahpa nakhaoh liata kho â chhih.

BIESOZY 6:23

Biepiepa cha meiôh châ ta, Pachuna cha khaihna châ ta, Chhoreina rana cha hrona lâpi a châ.

BIECHHOTUHPA 7:5

Ahrupazy hla sapa nathliepa hlâta cha, Asopazy chhoreina nathliepa a pha via.

THEIHTHAINA 19:17

“Na palôh ta na unawhpa nâ hao awpa châ leipa ta, a thaileichâna liata nâ hlao hra lei nawpa ta, na vaih cha na chhorei awpa a châ.

MATHAI 5:44

Kei deikua ta cha ei cha chho ei, nama chariahpazy kyh pachâ u la, châ taolatuhpazy thlahchhâpa muh vy.

KALATIA 6:1

Unawh saih u, chyhsa ta moleina a tao hai nota pachhaipa a châ khiahta cha, nâmo, thlahpa chyhsazy ta nônai kawpa ta paduapathi heih teh u. A vaih teh u, chataleipatala nâmo chhao reipasaopa ta nama y pathlei aw.

BIEPHUAH 3:19

Kyh ei pachâpa cha pasipaao na ta, ei chhorei tyh. Chavâta phahnai a ngiah la, ro mah y.