HLAZY 140:6 - Mara Bible RV (BSI)

⁶ Abeipa hnohta, Ei Khazohpa châ chi ta, Hy Abeipa, zawngiah awpa ta ei awna ao lâ he, Na nah vaw pachôh mah y, tah na ta.

HLAZY 140:6 Cross References

HLAZY 116:1

Ei ao thei ta, zawngiahna ei hiapa a theipa vâta, Abeipa kyh ei pachâ.

HLAZY 119:57

Hy Abeipa, nâ cha ei tovyuh châ chi ta, Na bie zyh awpa ta bie ei châ vaw taih haw.

HLAZY 130:2

Hy Abeipa, ei ao thei la, Ngiachhie ei châ hawna ao lâ he, Na nah vaw pachôh mah y!

HLAZY 142:4

Ei chachâh lâ a heih la moh tua rai, Nâ pahnopa y khao veih ei; Ei chhai nawpa y khao leipa ta, Ei hro kyh a pachâpa y khao veih ei.

HLAZY 142:5

Hy Abeipa, cha aw na ta, “Ei chhaina châ chi ta, Ahrohpa râh liata ei tovyuh na châ,” ei cha tah.

HLAZY 143:1

Hy Abeipa, ei thlahchhâna he thei la, Ngiachhie ei châ hawna lâ he na nah vaw pachôh mah y! Na ngâchhihna vâta na chyhei la, Na siana vâta na chyhei mah y!

HLAZY 16:2

Abeipa hnohta, “Ei Zibeipa châ chi ta, Nâma leipa ta la phana rai hnei va na,” ei tah tyh.

HLAZY 31:14

Châhrasala Hy Abeipa, nâma cha ngâ na ta, “Ei Khazohpa na châ,” ei tah.

HLAZY 57:7

Hy Khazohpa, ei palôh a i ta, Ei palôh â i ngaita; Hla ei sa aw, Reithaina hla ei sa aw.

HLAZY 64:1

Hy Khazohpa, ei nôpona ao he vaw thei la, Chariahpa chichhihna tawhta ei hrona he pabohsa mah y.

HLAZY 91:2

Abeipa hnohta, “Ei chhaina nata ei thokhy châ chi ta, Ei ngâpa ei Khazohpa na châ,” ei tah awh.

ZEREMIAH 18:22

Hraotuhpazy âmo lâ eikhapi ta na patlôsa tita, Ama ozy tawhta chapa pyu theipa châ mawh sy! Na patu awpa ta khaohtlô chao ei ta, Ei phei a ao nawpa ta khoheih a chôhpazy ama châ.

CHAPHÔHTUNA 3:24

Chavâta ei hro ta, “Abeipa cha ei tovyuh châ ta, Chavâta ano liata ei hnabei a seih aw,” a tah.

ZEKARIA 13:9

A su thôhna cha mei ta ei pasia aw ei; Tâkâ pathaisapa hawhta pathaisa aw ei na ta, Ngôh pasiapa hawhta ei pasia aw ei. Ei moh pado aw ei ta, Ei chhy aw ei. Kei ta, ‘Ei phopi ama châ,’ tah aw na ta, Âmo ta, ‘Abeipa cha eima Khazohpa a châ,’ ama tah aw,” Abeipa ta a tah.