HLAZY 14:2 - Mara Bible RV (BSI)

² Abeipa ta vârâh tawhta chyhsa sawzy za sai ta, Novâhna hneipa ta, Khazohpa a tluapa ama y ma tahpa a za moh tyh.

HLAZY 14:2 Cross References

ÂTHAONA 11:5

Abeipa cha chyhsa sawzy ta khihpi nata o sâhpa ama paduapa cha mo awpa ta zu ta.

ÂTHAONA 18:21

Chavâta ama moleina thâtih ei hnohta vaw tlôpazy he ama tao tlai ma tahpa moh awpa ta ei zu aw. Ama tao leipa khiahta cha, ei pahno aw,” tah ta.

ÂTHAONA 6:12

Khazohpa ta alei cha moh ta, alei chô chyhsa zydua ta ama molei khai hapa vâta a rao khai hapa ta hmô ta.

2 THÂTIHZYRONA 19:3

Chatahrasala Aseri tôhzy râh tawhta pahleipadia chi ta, Abeipa tluana lâta na palôh na paheipa vâta, phana khazie rakha ma cha na hnei,” tah ta.

2 THÂTIHZYRONA 30:19

Abeipa, a pathlatuhpazy Khazohpa tlua awpa ta a palôh a paheipa maih cha, supathaihpa ryhpa hawhta pathai tuapa a châ leipa chhao ta, Khazohpa ta a ngiahthai mawh sy,” tah­pa ta thlahchhâ ta.

ZAWBÂ 15:14

Chyhsapa cha khâpa châ ta ma, A pathaih thei aw tly? Chanô sapa cha khâpa châ ta ma, A siapaki thei aw tly?

HLAZY 107:43

Chyhsa sopa maihta cha hmozy cha ngia ei sala, Abeipa kyhpachâna tleih beih leipa kyh pachâ tyh mawh ei sy.

HLAZY 11:4

Abeipa cha a Achhyna o pathaihpa liata y ta, Abeipa beidyuchhai cha avâ liata a y; A mo ta moh ta, A mokhaoh ta chyhsa sawzy a pasia tyh.

HLAZY 69:32

Areisipazy ta cha cha hmô aw ei ta, Amâ ly aw; Nâmo, Khazohpa a tluatuhpazy saih u, Nama palôh a hra mawh sy.

HLAZY 82:5

“Pahnona hnei leipa ei ta, Novâhna hnei hra veih ei; Zohna liata charei ei ta, Leilô abôna zydua â chalyu haw.

HLAZY 92:6

Ahrupa ta pahno thai leipa ta, Angâpa ta he kyh he a novâh vei:

BIESOZY 2:9

Chatanachata siana nata adona kyh liata na novâh aw ta, Akhongâhna nata lâpi phapa to kyh na no a vâh aw.

BIESOZY 8:5

Hy nâmo, sona a phahlapazy saih u, Sona a chu u la; Nâmo, ahrupazy saih u, Pahnona a chu teh u.

BIESOZY 9:16

“Sona a phahlapa cha he lâ a vy mawh sy!” tah ta. Pahnona a phahlapa hnohta,

BIESOZY 9:4

“Sona a phahlapa cha he lâ a vy mawh sy,” tah ta; Pahnona a phahlapa hnohta,

ISAI 27:11

A chiahzy cha ama uah tita tlie ei ta, Chanôzy a vy ei ta tho châta ama pakhy tyh. Pahnona a hnei leipa phopi châ ei ta, Chavâta âmo a taotuhpa ta zawh a ngiah leipa aw ei ta, Âmo a paduatuhpa ta khohkhei aw veih ei.

ISAI 55:6

“Hmô thei awpa ta a y nota Abeipa cha tlua u la, Â hnia nona heta aw teh u!

ISAI 63:15

Vârâh tawhta za sai la, moh tua, Na pathaihna su tawhta za sai la, Na rônahna su tawhta za sai tua. Na phahnai ngiahna kha khataih liata y ta, Na thatlôna khataih liata a y haw? Na palôh pathyuna nata na thapasana zy kha, Eima châta pakhâpa a châ ha he zaw.

ISAI 64:1

Aw, avâzy khi hriepa ta za chô la, Na hmiakô liata tlâhpizy amâ sih mawh sala eima tah kaw dia!

ISAI 8:19

Chyhsazy ta, “Pavaw tieta hawhta sâh ei ta, chaeichamypa ta bie a reihpa peihthaipa nata dyuthaipa zy a saohiah teh u,” ama cha tah tita, hetana heta a chhy teh u. Phopi miakha châ hra tlôhpa khiahta cha, ama Khazohpa amâ saohiah awpa châ hri vei ma? Ahrohpazy châta ma athipa tlao amâ saohiah aw?

ZEREMIAH 4:22

“Ei phopi cha hru ha ei ta, Na pahno veih ei; Saw nokhih leipazy châ ei ta, Novâhna hnei veih ei. Hmo pha leipa taona liata so kaw ei ta, Hmo phapa taonazie deikua pahno veih ei,” Abeipa ta a tah.

ZEREMIAH 5:1

Zerusale khiliah liata a râhreih u la, Moh u la, ngia teh u! A tlyliahzy liata tlua u la, Adona tao ta ngâchhihna a tluapa Pakha chhâ nama hmô khiahta cha, Zerusale cha ei ngiahthai aw.

CHAPHÔHTUNA 3:50

Abeipa ta vârâh tawhta za moh sala, A hmô hlâlei cha ei mothlih a loh lymâ aw;

DÂNIAH 12:10

Chyhsa hluhpi âmosasyh ta a pathaisa aw ei ta, a pangyuhsapa ta amâ taopathi aw. Moleipazy deikua cha ama molei via rili aw. Moleipa ta a pachâna pahno leipa aw ta, chyhsa sopazy deikua ta cha ama pahno aw.

MATHAI 13:15

Cha phopi palôh cha a kuhchha ha ta, Ama nah ta bie thei thai khao leipa ta, Ama mo ama paso haw. Chata châ vei sala cha, Ama mo ta hmôpa ta, Ama nah ta thei aw ei ta, Ama palôh ta pahnopa ta, Kei lâ a vaw heih aw ei ta, Ei patlâh ha awpa ei tlai,’ tahpa ta hrohsona bie a reipa kha ama chô liata a vaw tlô hapa a châ.

RAWMA 3:11

Ahy hmah a pahno thaipa y veih ei, Ahy hmah Khazohpa a tluapa y veih ei.

HEBRAI 11:6

Ngiapâna leipa ta cha Khazohpa palysa thei rimâ awpa châ vei. Khazohpa a pangaipa maihta, Khazohpa a y tahpa amâ ngiapâ awpa châ ta, ano a tluatuhpa cha Khazohpa ta lymâ a pie tyh tahpa amâ ngiapâ awpa a châ.