HLAZY 139:1 - Mara Bible RV (BSI)

¹ Hy Abeipa, liahsa ta na moh chi ta, Eina pahno chi!

HLAZY 139:1 Cross References

2 SAMUELA 7:20

Dâvi heta nâ lâta reih awpa khâpa a hnei khao? Hy Abeipa Zehôvâh y, châ chakaotuhpa he na pahno mâh tâh.

1 ABEIZY 8:39

na pahrâna su vârâh liata vaw nathlie la, a ngiahthai mah y. Ama palôh na pahnopa nata ama hrozie lymâ hawhta, chyhsa to chô liata hria la tao mah y. Nâma, nâma deita he Âdâh pathla zydua palôh a pahnotuhpa châ tlôh chi ta.

2 ABEIZY 19:27

“Châhrasala nâ tyupa pahno na ta, Na puapa nata nâ ngiapa chhao ei pahno; Ei chô liata na hiehâhna chhao ei pahno.

1 THÂTIHZYRONA 17:18

Châ chakaotuhpa na palyupalihna kyh liata, Dâvi heta reih awpa khâpa a hnei khao? Châ chakaotuhpa he pahno pasia tlôh chi ta.

1 THÂTIHZYRONA 28:9

“Nâ, Sawlawmaw, ei sawchapawpa y, na paw Khazohpa he pahno la, pathipalôh tlokhuh ta nata tao khona palôh hneipa ta ano cha chakao mah y. Abeipa cha palôh zydua mohtuhpa châ ta, achhuahna nata pachâna zydua pahnotuhpa a châ. Ano cha na tlua khiahta cha, hmô awh chi ta, nâ heihsai khiah deikua cha, chhâzaw ta a cha thy aw.

HLAZY 139:23

Hy Khazohpa, na moh pasia la, Ei palôh pahno mah y! Na pasia la, Ei pachânazy pahno mah y!

HLAZY 17:3

Ei palôh na moh chi ta, Zâ ta eina vaw tly chi; Na pasia chi ta, Khâpa hmah hmô va chi; Ei pakah ta molei lei awpa ta khâchâ ei chhuah haw.

HLAZY 44:21

Khazohpa ta hmô aw vei ma? Ano cha palôh liata bieru chhao, A pahno theipa châ tlôh ta.

ZEREMIAH 12:3

Hy Abeipa, kei deikua cha na pahno chi ta, Na hmô chi ta, nâ lâta ei palôh phao na pasia tyh. Mietaku thie awpa hawhta âmo cha a daophi la, Thiena noh châta âmo cha soh nano mah y.

ZAWHÂNA 21:17

A ei thôhna ta Zisu ta Pity hnohta, “Saimaw, Zawhâna sawchapawpa, kyh eina pachâ chi ma?” tah ta. Pity cha Zisu ta a ei thôhna ta, “Kyh eina pachâ chi ma?” a tahpa vâta, a pachârôh ta, a hnohta, “Abeipa, ato pahno chi ta, kyh ei cha pachâpa chhao na pahno na,” tah ta. Zisu ta a hnohta, “Ei mietakuzy pasa teh.

HEBRAI 4:13

A mohmô tawhta a nyu theipa hmotaopa rai y vei. Eima thâtih eima tlôkhei nawpa mohmô liata cha, ato thluahruapa nata pahy chiehpa ta a y khai.

BIEPHUAH 2:18

“Thiatirâ Awnanopa vâlyuhchâpa hnohta hetana heta roh teh: ‘Khazohpa Sawchapawpa, meipaleih hawhpa mokhaoh a hneipa, a pheipazah dawh patliepa a lyupa khata he biezy he a reih.

BIEPHUAH 2:23

A sawzy tusao aw na ta, chatanachata kei cha pachâna nata palôh mohtuhpa ei châ tahpa Awnanopa zydua ta ama pahno aw. Nama hmotaopazy lymâ hawhta ei cha pie aw ei.