HLAZY 138:8 - Mara Bible RV (BSI)

⁸ Abeipa ta ei châta â chhuahpa cha a patlô aw; Hy Abeipa, na kyhpachâna cha tlyzaw châta châ ta, Nâma ku tlai ta na taopazy he a heihsai khah y.

HLAZY 138:8 Cross References

ZAWBÂ 10:3

Tlybaipa pha tah chi ta, Nâma ku tlai ta na taopa mohnaopa ta, Moleipa ryhraona ma tlao pha na tah via haw?

ZAWBÂ 10:8

“Na kuzy ta na pasuah chi ta eina tao chi, Châhrasala tahmâ cha, Nâma lilaw ta eina parao ha chi he zaw.

ZAWBÂ 14:15

Na aw aw chi ta, Ei châ chhy aw; Na kuzô he na vâ kaw aw.

HLAZY 100:3

Abeipa cha pahno teh u; Ano cha Khazohpa châ ta, Miah taotuhpa a châ; Keimo he a chyhsazy châ pi ta, A sibiepa su liata mietakuzy eima châ.

HLAZY 100:5

Abeipa cha pha ta, A kyhpachâna cha chhâzaw châta a daih ta, A ngâchhihna chhâ zydua taihta â daih.

HLAZY 103:17

Abeipa kyhpachâna tleih beih leipa deikua cha, Ano a chituhpazy chô liata chhâzaw nata tlyzaw ta y ta, A siana chhao ama samohzy taihta a y.

HLAZY 136:1

Abeipa hnohta alyna bie reih teh u, Ano cha pha ta, A kyhpachâna tlyzaw ta a daihpa a châ.

HLAZY 57:2

Khazohpa Chônôchaipa pado na ta, Kei liata â chhuahna a patlôpa Khazohpa tlai cha ei pado.

HLAZY 57:3

Khazohpa ta a zawngiahna nata a ngâchhihna tuah aw ta, Avâ tawhta vaw tuapa ta na pachha aw ta, Nâ taolatuhpazy maophyuhpa ta a paysa aw. Selah

ISAI 26:12

Hy Abeipa, thlalôhna miah pie mah y, Eima tao theipa zydua he, Nâ ta eima châta na taopa sai a châ.

ISAI 42:16

Mochaopazy cha, Ama pahno beih leipa lâthlôh liata a chhi aw ei na ta, Ama pahno beih leipa lâpi liata ei chhihtha aw ei. Ama hmiakô liata zohna cha khaihna ta tao aw na ta, Su byuhpazy ei paraih khai aw. Cha hmozy cha tao aw na ta, Âmo siesai aw veih ei na.

ISAI 43:21

Chatanachata ei châta ei paduapa phopi ta, Keima reithaina ama phuah aw.

ZAWHÂNA 15:2

Ei chiah a pathei leipa maih thy ta, a patheipa maih a pathai tyh, a pathei hluh rili nawpa ta.

RAWMA 5:10

Khakhaipa eima châ nota hmahta, a Sawchapawpa thina vâta Khazohpa nata a ryhpa ta eima y khiahta cha, tahmâ eimâ ryh ha tawh chhochhi cha, a hrona vâta pachhapa ta eima y via pachai aw.

PHILIPI 1:6

Nâmo liata raihria phapa a pathaotuhpa khata, Zisu Krista noh liata a pangoh aw tahpa ei ngiapâ.

1 THYSALAWNIKA 5:24

Châ awtuhpa ei cha ngâ a chhih ta, cha cha a tao tlai aw.

1 PITY 4:19

Chavâta Khazohpa khozie hawhta pasa a taopazy cha, hmo pha taona chôta, Taotuhpa ngâchhihpa liata ama thlahpa pavaosa mawh ei sy.

ZUDÂH 1:1

Zisu Krista chakaotuhpa nata Zâmie unawhpa Zudâh ta Paw Khazohpa liata kyhpachâpa nata Zisu Krista châta awpa nata vaipa sahlaozy ei châ naoh ei.