HLAZY 136:1 - Mara Bible RV (BSI)

¹ Abeipa hnohta alyna bie reih teh u, Ano cha pha ta, A kyhpachâna tlyzaw ta a daihpa a châ.

HLAZY 136:1 Cross References

1 THÂTIHZYRONA 16:34

Abeipa lâ alyna bie hlâ teh u; Ano cha pha ta, A kyhpachâna a tleih beih leipa a châ.

1 THÂTIHZYRONA 16:41

A zawngiahna cha chhâzaw châta a châpa vâta, Abeipa lâ alyna bie a reih tyh awpa ta, Hemâ nata Zeduthu nata mohropa ama moh ta a tlyhpazy chhao, ama hnohta chakaosapa ama châ.

2 THÂTIHZYRONA 20:21

Zawpi a pasyu khai nahta, pheisaihzy hmia lâta siepa ta, Abeipa lâta hla sa ta, “Abeipa hnohta alyna bie reih teh u, A zawngiahna chhâzaw ta y tlôh ta,” tahpa ta, Abeipa pathaihna rônahzie a reithai awpazy a rao ei.

2 THÂTIHZYRONA 7:3

Izarei saw zydua ta avâ tawhta mei a za tlapa nata Achhyna o chô liata Abeipa rônahna cha ama hmô nahta, lôphia phawpa siphiah chô liata ama hmia alei lâ a khupa ta a bôh ei ta, “Abeipa cha pha ta, A zawngiahna chhâzaw ta a y aw,” tahpa ta Abeipa cha a chhy ei ta, ano lâ alyna bie ama reih.

2 THÂTIHZYRONA 7:6

Theihthaipazy nata Livai pathlazy cha ama su chyu liata a duah ei ta, Abeipa lâ alyna bie reina, “A zawngiahna chhâzaw ta a y,” tahpa hla cha pyungiapa chhaichhizy nata patlapa ta sa ei ta. Âmo dady liata theihthaipazy ta chiahmie tô ei ta, Izarei saw zydua cha a duah thlâh ha ei ta. Cha hla nata pyungiapa chhaichhizy cha Bei Dâvi ta Abeipa reithai nawpa ta a hmâ tyhpa, pyungiapa chhaichhizy chhaota theihthaipazy a pasasa tyhpa hla a châ.

EZRÂ 3:11

Abeipa liata amâ lyna nata ano reithaina cha, “Abeipa cha pha ta, A zawngiahna cha, Izarei chô liata chhâzaw ta a y,” tahpa ta hla ta amâ chhy palie. Abeipa o lôbô ama bô hapa vâta, zawpi zydua ta ao paro ngaitapa ta awh ei ta, Abeipa ama reithai.

HLAZY 100:5

Abeipa cha pha ta, A kyhpachâna cha chhâzaw châta a daih ta, A ngâchhihna chhâ zydua taihta â daih.

HLAZY 103:17

Abeipa kyhpachâna tleih beih leipa deikua cha, Ano a chituhpazy chô liata chhâzaw nata tlyzaw ta y ta, A siana chhao ama samohzy taihta a y.

HLAZY 105:1

Abeipa lâ alyna bie hlâpa ta a moh pado u la; Phopizy hry liata a hmotaopazy pahnosa teh u!

HLAZY 106:1

Abeipa cha reithai u la, Alyna bie hlâ teh u! Ano cha pha ta, A kyhpachâna a tleih beih leipa a châ.

HLAZY 107:1

Abeipa cha pha ta, A kyhpachâna tlyzaw ta a tleih beih leipa a châpa vâta, Alyna bie hlâ teh u!

HLAZY 118:1

Abeipa lâ alyna bie hlâ teh u, Ano cha pha ta, A kyhpachâna chhâzaw ta a tleih beih leipa a châ.

HLAZY 119:68

Nâ cha Khazoh phapa nata hmo pha a taopa châ chi ta, Na bieraopazy na pachu mah y.

ZEREMIAH 33:11

Alyna nata thaphana aozy thei heihpa châ aw ta, myuhneituhpa nata myuh aozy chhao thei heihpa châ aw ta, Abeipa o lâta alyna biereina hmohlâpa a vaw cheihpazy ao chhao thei heihpa châ aw ta, “‘Pheisaihzy Abeipa hnohta alyna bie reih teh u, Abeipa cha pha ta, A kyhpachâna tlyzaw ta a ypa a châ!’ ama tah aw. Hmiatuapa daihti hawhna khata, râh cha vânoh ei patosa heih aw,” Abeipa ta a tah.

LUKA 1:50

A zawngiahna cha ano a chipazy châta châ ta, Chhâzaw nata tlyzaw ta a y aw.

ZUDÂH 1:21

Khazohpa kyhpachâna liata a pabohsa u la, eima Beipa Zisu Krista ngiachhiena, chhâzaw hrona lâ a chhi theipa cha hâ muh vy.