HLAZY 132:5 - Mara Bible RV (BSI)

⁵ Abeipa châta su ei hmô hlâlei, Zakaw Thatlôpa pahrâ nawpa su ei hmô hlâlei cha,” A tahpa kha a thei thlâh ha mah y.

HLAZY 132:5 Cross References

2 SAMUELA 6:17

Abeipa Byh cha a ngiakhei ei ta, a so nawpa ta Dâvi ta a paraipa poh o chhôh liata a su raopa liata soh ei ta. Dâvi ta raopa hlânazy nata aryhna hlânazy Abeipa hmiakô liata hlâ ta.

2 SAMUELA 7:1

Abei cha a o liata pahrâ ta, a chheipâh chariah zydua tawhta apahâna Abeipa ta a pie nahta,

1 ABEIZY 8:17

Ei paw Dâvi khata Abeipa, Izarei Khazohpa moh châta o sa khona a palôh liata vaw hnei ta.

1 ABEIZY 8:27

“Châhrasala Khazohpa cha alei chô liata a pahrâ tlai aw ma? Pachâ tua, avâ nata avâ a sâh chaipa liata hmah nâ tlôh leipa châ ta, he o ei sapa liata chhochhi cha nâ tlôh lei pachai aw dia!

1 THÂTIHZYRONA 15:12

ama hnohta, “Nâmo cha Livai chi pawhrâh chaipazy nama châ. Abeipa, Izarei Khazohpa Byh cha a su ei chhuanohpa lâ namâ vaw sy thei nawpa ta, nâmo nata nama unawhzy a pathai teh u.

1 THÂTIHZYRONA 15:3

Dâvi ta Abeipa Byh cha kei la ta, a so nawpa su â chhuanohpa liata so awpa ta, Zerusale liata Izarei saw zydua cha awpakhy ta.

1 THÂTIHZYRONA 22:7

Dâvi ta a sawchapawpa Sawlawmaw hnohta, “Ei sawchapawpa y, Abeipa ei Khazohpa moh châta o sa awpa ei palôh liata y ta.

1 THÂTIHZYRONA 28:2

Bei Dâvi cha a kaw duah ta, ama hnohta, “Ei unawhzy nata ei chiheihzy saih u, ei bie nathlie teh u. Abeipa Biehrai Byh a pahâ nawpa nata eima Khazohpa phei tlyna châta o sapa awpa ei palôh liata y ta, sana awpa chhao ei pachhuahpanoh haw.

2 THÂTIHZYRONA 2:6

Châhrasala Zehôvâh Khazohpa cha avâ liata â tlôh leipa ta, avâ a sâh chaipa liata chhao â tlôh leipa châ tlôh ta, ahy ma a y nawpa o a sapa thei aw? A hmiakô liata atheihna hlâna rao nawpa châta tah leipa ta cha, kei bao hra heta o cha ei sapa thei aw ma?

ISAI 66:1

Abeipa ta hetana heta a tah: “Avâ cha ei beidyuchhai châ ta, Alei cha ei phei tlyna a châ. Kheihawhpa o ma eina sapa aw ei chi? Khataih liata ma ei pahâ nawpa su cha a y?

EPHESI 2:22

Ano liana chata nâmo chhao Khazohpa pahrâ nawpa ta paryh pakhypa châ ei chi ta, cha liata Khazohpa cha Thlahpa ta a pahrâ.