HLAZY 132:10 - Mara Bible RV (BSI)

¹⁰ Châ chakaotuhpa Dâvi zawhzi ta, Na sathawthupa hmia pakuasa khah y.

HLAZY 132:10 Cross References

1 ABEIZY 11:34

Châhrasala ei biepiepazy nata ei bieraopazy a zyhpa, ei tlyhpa nâ chakaotuhpa Dâvi vâta, khinarâh cha a zydua ta a ku tawhtapa chhu khai aw va na. A hro chhôh zydua cha bei ta ei paysa awh.

2 ABEIZY 19:34

Keima vâta nata nâ chakaotuhpa Dâvi vâta, he khihpi he vaih aw na ta, ei pabohsa aw,” tah ta.

2 ABEIZY 8:19

Châhrasala Abeipa ta Dâvi nata a pathlazy cha chhâzaw ta meiôh pie awpa ta bie â vaw taih hapa vâta, a chakaotuhpa Dâvi zawhzi ta Zudâh cha pahleipadia khoh vei.

2 THÂTIHZYRONA 6:42

Hy Zehôvâh Khazohpa y, Na sathawthupa hmia su hro lâ paheisa leipa la, Châ chakaotuhpa Dâvi chô liata na zawngiahna kha, Khâ a thei thlâh ha mah y.”

HLAZY 144:10

Nâ cha beizy pahniena a pietuhpa châ chi ta, Zaozi thatlôpa tawhta châ chakaotuhpa Dâvi a pachhatuhpa na châ.

HLAZY 84:10

Na dôhpachhôh tlyhmia liata noh kha ypa cha, Su hropa liata noh sâh kha ypa hlâta a pha via. Moleipa poh o liata pahrâpa hlâta cha, Ei Khazohpa o chhikao vaituhpa châ awpa ei khoh via.

HLAZY 84:9

Hy Khazohpa, eima vyhphao he moh la, Na sathawthupa hmia he sai tua!

HÔSIA 3:5

Cha khai tawhta, Izarei sawzy cha kua heih aw ei ta, Abeipa ama Khazohpa ama pado aw; ama bei Dâvi chhao ama pado hra aw. Noh hnôhlâzy liata cha china chôta Abeipa nata a phana lâ ama ngai aw.