HLAZY 131:1 - Mara Bible RV (BSI)

¹ Hy Abeipa, ei palôh lai leipa ta, Ei mo a sâh vei; Hmo rônahpazy hnei nawpa sai pachâ leipa na ta, Hmo khochhihpazy hnei nawpa sai pachâ va na.

HLAZY 131:1 Cross References

2 SAMUELA 6:22

Kha hlâta zakhei a chhih viapa ta y aw na ta, na mohmô liata ei nawh via rili aw. Anodeikua la chakaotuhpa chanôzy kyh na reipa khaw, âmo khata la eina palyupalih aw ei,” tah ta.

ZAWBÂ 42:3

‘Pahnona hnei leipa ta ei ryhraona a nyuthutuhpa cha, Ahy ma a châ tly?’ na tahpa hawh tlai ta, Ei novâh leipa biezy vaw reih na ta, Ei pahno leipa bie, kei châta noâhchhihpa biezy ei vaw reih ha tlai.

HLAZY 101:5

Ahy rai arulâta a vaih a leihtuhpa cha, Ei pahleipadia aw. Ahy rai a mo â sâhpa nata palôh laipa cha, Chhyh thai aw va na.

HLAZY 122:1

Chyhsazy ta ei hnohta, “Abeipa o lâ pangai ei suh u!” Ama tah nota ei ly kaw tyh.

HLAZY 124:1

Tahmâ cha Izarei ta, “Abeipa ta eima chhâh a châ vei mawh sala,

HLAZY 133:1

Moh tua u, unawhzy a dyh ngaitapa ta ypa cha, Pha ta â ngia kaw dia!

HLAZY 139:6

Cha tlu ta pahnona cha, Kei châta noâhchhihpa châ ta; A sâh tu ha ta, Ei pahnona ta a pha khao vei.

BIESOZY 21:4

Mo a sâhpa nata palôh laipa cha moleina châ ta, Cha cha moleipa meiôh a châ.

ZEREMIAH 17:16

Na mietaku vaituhpa ei châna a râsai leipa na ta, Chhiena noh a vaw tlô awpa chhao khoh hlei va na. Ei hmao tawhta a puapa pahno chi ta, Cha cha na hmiakô liata a y.

ZEREMIAH 45:5

Nâma châta hmo rônahpa na tlua ma? Tlua khah y. Hmohrohneipa zydua chô liata chhiena vaw patlôsa aw na ta, nâ deikua cha, na siena maih liata chariah tawhta â bohpa ta ei cha paysa lymâ aw, Abeipa ta a tah,” tah ta.

MALUHREINA 12:3

Mawsi cha chyhsa nônai ngaitapa châ ta, alei chô liata chyhsa zydua hry liata nônai chaipa a châ.

MATHAI 11:29

Ei raopaky a ky u la, kei tawhta a chu teh u. Kei cha areisipa nata palôh nônaipa ei châ. Nama thlahpazy châta apahâna nama hmô aw.

HMOTAOPAZY 20:19

Areisina chôta Abeipa chakao na ta, Zuzy ta eina teipa vâ ei ta mothlih chhaota nata rietheina chôta ei chakao tyh.

RAWMA 11:33

Hy â thu kaw dia, Khazohpa hneirôna, Sona nata pahnona zy cha! A ryureinazy pahno thei awpa châ leipa ta, A lâpizy chathô thei awpa châ vei.

RAWMA 12:16

A dyh raihrie u la, a pasâhsa leipa ta, chyhsa nawhpazy a kao u la, apasosa khuh vy.

RYHPACHANEINA 17:20

Chatanachata a palôh lai leipa aw ta, a unawhzy chô lâta a soh aw vei. Biepiepa cha chachâh lâ tlyma, chavei lâ tlyma tlei sai leipa aw ta, â beina Izarei râh liata ano nata a pathlazy bohpi amâ bei thei aw.

1 THYSALAWNIKA 2:10

Nâmo cha ngiapâtuhpazy chô liata pathaihpa nata siapa nata seina hnei leipa ta eima y tyhzie miah pahnokheituhpazy nama châ. Khazohpa chhao ta miah a pahnokhei.

1 SAMUELA 16:13

Samuela ta saki ôh sathaw cha la ta, ano cha a unawhzy hmiakô liata sathawthu ta. Cha noh tawhna chata, Abeipa Thlahpa cha Dâvi chô liata thatlô ngaitapa ta vaw tlô ta. Samuela cha thyu ta Râmâ lâ sie ha ta.

1 SAMUELA 16:18

Satlia pakha ta a chhy ta, a hnohta, “Pachâ teh, Bethlehe khihpa Zese sawchapawpa pakha hmô na ta, ano cha totâ tô thai ngaitapa, chyhsa riahphapa, adyuhpa chyhsa, bierei a thai kawpa nata hmipha ngaitapa châ ta, Abeipa ta a ypâpa chyhsa a châ,” tah ta.

1 SAMUELA 16:22

Sawla ta Zese lâ chyhsa tuah ta, a hnohta, “Dâvi he ei mo nâ dy kaw ta, ei rai hria pazao awpa ta na pasai awpa ta ei châ haw,” tah ta.

1 SAMUELA 17:15

Dâvi deikua cha Bethlehe liata a paw mietakuzy vai awpa ta, Sawla lâ vawh heih a vy heih tahpa ta a riahpahlai tyh.

1 SAMUELA 18:23

Cha biezy cha Sawla chakaotuhpazy ta Dâvi nah theina liata reih ei ta. Dâvi ta, “Abei piahpa châpa he hmo chynawhpa hawhta a pachâpa dua nama lyu thlâh haw? Keima hawhpa dyhchhiepa nata mohnao chhihpa chyhsa châta cha, hmo naopa naikawh ma châ vâ,” tah ta.